Ձևավոր փաթիլ թղթից

Այսպիսի մի քանի փաթիլով զարդարելով սենյակը, ձեր ամանորյա դեկորն ավելի գեղեցիկ ու առանձնահատուկ կդառնա…


Անհրաժեշտ է՝
գրասենյակային թուղթ, մկրատ, սոսինձ, ամանորյա փայլազարդ

Մեկ փաթիլ պատրաստելու համար անհրաժեշտ է երկու քառակուսի թուղթ։ Ամենաարագը՝ վերցնել մեկ գրասենյակային թուղթ, բաժանել երկու հավասար մասերի, ապա այդ ուղղանկյուն թղթերը քառակուսի դարձնել՝
Հաշվի առնելով, որ մեկ գրասենյակային թղթի չափսը 210×297մմ է, ապա քառակուսիները կլինեն մոտավորապես 148մմ կողմով։

Եվ այսպես, վերցնում ենք քառակուսի թուղթ։

Անկյունագծով այն ծալում ենք հավասար մասերի՝

Ստացված եռանկյունը ևս ծալում ենք հավասար մասերի՝


Ապա ևս մեկ անգամ հավասար մասերի՝

Ստացված ծալվածքը կտրում մոտավորապես նման գծով՝


Առանց բացելու երեք համանման կտրվածք ենք անում (կտրվածքին զուգահեռ), առանց հասենլու ծալված եզրին.

Բացում ենք ծալված թուղթը։ Ահա թե ինչ պետք է ստացած լինենք՝ քառագագաթ փաթիլ.

Վերցնում ենք սոսինձը, կտրվածքից զգուշորեն առանձնացնում կտրված թերթիկներից մեջտեղինը և այն սոսնձում կենտրոնին։ Նույնը կրկնում մյուս գագաթների համար։


Սարքում ենք նույն փաթիլից մեկ հատ էլ.

Հակառակ կողմերից այդ երկու փաթիլները իրար ենք սոսնձում այնպես, որ նրանց փաթիլները գտնվեն մեկը մյուսի մեջ ու ստացվի ութ գագաթանի փաթիլ։


Փաթիլի կենտրոնում կարելի է սոսնձել փայլազարդ։

Կախված կտրվող հատվածների լայնությունից կարելի է տարբեր փաթիլներ ստանալ։

Փաթիլներին գեղեցկություն կհաղորդի զիգզագաձև եզրերով կտրվածքը՝


 

 

Կիսվել Share on Facebook0Share on Google+0Tweet about this on TwitterShare on VKEmail this to someone

| 

1 մեկնաբանություն

Մեկնաբանել
  1. heshta erevum
    31/08/2014 Reply

Մեկնաբանել

Գրեք պակասող թիվը Time limit is exhausted. Please reload CAPTCHA.