Փաթիլ

Զարդարենք տունը մեր ձեռագործ փաթիլներով.

Անհրաժեշտ է՝ ուղղանկյուն սպիտակ թուղթ, հասարակ մատիտ, մկրատ, ստեպլեր, սոսինձ, թել։

Քայլ 1. Թուղթը շերտերով ծալում ենք (гармошка)։ Այնուհետև ստացված ծալված թուղթը մեջտեղից ծալում ենք՝ նշելու ամրացման կետը։

Քայլ 2. Ծալված թղթի եզրերը սուր կտրում ենք, այնուհետև կողքերի վրա կատարում եռանկյունաձև կտրվածքներ, բայց անպայման այնպիսի հեռավորության վրա, որպեսզի թուղթը իր ձևը չկորցնի։
Քայլ 3. Կենտրոնում ծալվածքը ամրացնում ենք ստեպլերով կամ թելով կարում։

Քայլ 4. Այժմ բացենք ծալվածքը և նրա երկու ծայրերը իրար ամրացնենք ստեպլերի միջոցով։ Ստացվում է փաթիլի կեսը։
Ի դեպ, ինչքան շատ լինեն ծալքերը, այնքան լայն կբացվի և գեղեցիկ կլինի փաթիլը։

Քայլ 5. Պատրաստում ենք միանման մեկ այլ փաթիլ՝ նույնությամբ կրկնելով արված կտրվածքները։ Փաթիլի երկու հատվածներն իրար ենք միացնում սոսնձի կամ ստեպլերի օգնությամբ

Քայլ 6. Փաթիլի ծայրին թել ենք ամրացնում և մեր փաթիլը պատրաստ է։

Ստեղծագործենք

Պարտադիր չի պատրաստել փաթիլ։ Տոնածառի գեղեցիկ խաղալիքներ ստացվում են նույնիսկ ծալվածքի վրա կտրվածքներ չանելով (քայլ 2-ը բաց թողնելով), և 2 հովհարներն իրար ամրացնելով։ Այդպիսի պատրաստվածքներ կարելի է ստանալ նաև գունավոր թղթերից ու անձեռոցիկներից։

Կարելի է օգտագործել նաև ամսագրերի բազմերանգ թերթերը՝

Իսկ մի քանի այդպիսի բազմերանգ փաթիլներից կարելի է ստանալ գեղեցիկ տոնածառ՝ դրանք թղթե կոնի վրա ամրացնելով։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։