Դա կատարվում է Adobe Photoshope ծրագրի օգնությամբ։ Նկարը շրջանակի մեջ տեղադրելն իրենից բարդություն չի ներկայացնում և այն կարող է իրագործել նույնիսկ Photoshop-ին անծանոթ մարդը։ Եվ այսպես.
1. Photoshope-ի օգնությամբ բացեք ձեր ընտրած շրջանակը ( (File -> Open կամ Ctrl+O ստեղների համադրությամբ) 
Բացված շրջանակի նկարի կենտրոնում թափանցիկ մակերես կա (այն մոխրագույն ու սպիտակ կետերի համադրություն է), որի մեջ պետք է տեղադրվի լուսանկարը։
2. Բացեք այն լուսանկարը, որն ուզում եք տեղադրել շրջանակի մեջ.
Իսկ այժմ ձախակողմյան գործիքների վահանակից 
սլաքի օգնությամբ լուսանկարը տեղափոխեք շրջանակով պատուհանի վրա։ Նկարը կհայտնվի շրջանակի վրա, իսկ մեզ պետք է, որ շրջանակի տակը լինի։ Դրա համար աջ կողմում գտեք Layers վահանակը։ Դուք այժմ ունեք երկու շերտ՝ առաջին շերտը շրջանակն է, երկրորդը՝ լուսանկարը։ Ձեզ անհրաժեշտ է լուսանկարով շերտը տեղափոխել տակը։ Դա իրագործվում է հեշտությամբ. դրա համար մկով բռնեք շերտի անվանումը և այն իջեցրեք շրջանակի շերտի անվանման տակ։
Ուշադրություն. եթե շրջանակով շերտը Photoshop-ի մեջ ֆոն է հանդիսանում (background), ապա դուք չեք կարող նրա տակ այլ շերտեր դնել։ Դրա համար անհրաժեշտ է նախևառաջ այն վերածել հասարակ շերտի։ Դրա համար պարզապես մկով կրկնակի անգամ սղմեք ֆոն-շերտի անվանման վրա և հայտնված պատուհանում հաստատեք գործողությունը՝ OK-ի միջոցով (կարող եք այդ շերտին ինքներդ անուն տալ)
Այնուհետև անհրաժեշտ է լուսանկարի չափսերը փոփոխել՝ հարմարեցնելով այն շրջանակի չափսերին (անհրաժեշտության դեպքում նաև թեքել)։ Նախապես համոզվեք, որ տվյալ պահին ակտիվ է լուսանկարով շերտը, ոչ թե շրջանակով շերտը (ակտիվ շերտը կարող եք տարբերել նրա անվան կողքը հայտնված վրձնի նշանի շնորհիվ)։
Նկարի չափսերը փոփոխելու համար օգտվում ենք Ctrl+T կամ մենյուի Edit->Free Transform հրամաններից և դրանց օգնությամբ նկարը ձևափոխում մեզ անհրաժեշտ չափի։ Որպեսզի նկարը համաչափ փոքրանա, այդ գործողությունը կատարեք Shift ստեղնը սղմած-պահած վիճակում։ Արդյունքը մոտավորապես այսպիսի տեսք պետք է ունենա.
Պատրաստի նկարը նպատակահարմար է պահպանել jpg ֆորմատով (File -> Save As)։ Իսկ եթե ցանկություն կա հետագայում այն էլի փոփոխել, ապա լավ կլինի պահպանել նաև բնօրինակը Photoshop-ի ֆայլով՝ PSD ֆորմատով։
how to change color?