Սովորենք նկարել Մինյոն՝ «Ես՝ արհամարհելիս» մուլտֆիլմից

«Ես՝ արհամարհելիս» մուլտֆիլմի հերոսիկներ մինյոններն երևի ավելի շատ սիրվեցին հանդիսատեսի կողմից, քան մուլտֆիլմի հիմնական հերոսները։ (Ֆրանսերենից mignon թարգմանվում է որպես «անուշիկ»)։ Այժմ միասին փորձենք նկարել մինյոն։ 

Քայլ 1

Սկզբում նկարենք մի շրջան, որը կլինի գլուխը, ապա դրա տակ կիսաշրջան, որը կդառնա մարմինը։ Դեմքի վրա նշենք համաչափության գծերը։

Քայլ 2

Գլուխը սկսենք նկարել վերին հատվածը մգեցնելով և վրան մազիկներ նկարելով։

Քայլ 3

Մինյոնների առանձնահատուկ գծերից մեկը նրանց ակնոցներն են։ Դրա համար նախ նկարենք ակնոցի ապակիների շրջանակները, ապա ականջակալները։ Այնուհետև նկարենք բերանը (ուշադրություն դարձրեք, որ մինյոնը քմծիծաղում է և այդ իսկ պատճառով նրա բերանը երեսի համաչափության առանցքների նկատմամբ համաչափ չի տեղադրված)։

Քայլ 4

Այժմ նկարենք աչքերը՝ ակնոցի յուրաքանչյուր ապակու կենտրոնում փոքրիկ շրջաններ՝ կենտրոնում մուգ կետով։

Քայլ 5

Այժմ մարմնի հատվածում նկարենք կոճակներով հագուստը, ձեռքերն ու ձեռնոցների վերին հատվածները։

Քայլ 6

Ավարտենք ձեռքերի նկարչությունը բռունցքներ նկարելով։ Հագուստի ներքին հատվածը մգեցնենք ու հագուստի վրա պիտակ նկարենք։

Քայլ 7

Նկարենք ոտքերն ու կոշիկները։

Քայլ 8

Նկարի ուրվագիծը պատրաստ է։ Այժմ անհրաժեշտ է ռետինով մաքրել ավելորդ գծերը և անցնել ամենահետաքրքիր՝ ներկելու գործընթացին։

Որպես օրինակ թող ծառայի այս նկարը՝