Ինչպե՞ս նկարել Hello Kitty փիսիկին

Այժմ կսովորենք նկարել Hello Kitty փիսիկին։ Նրա իրական անունը Սպիտակ Փիսիկ է (Kitty White), իսկ ծնունդով նա Ճապոնիայից է։ Նրան նկարելը բարդ գործընթաց չէ։ Պարզապես հետևեք քայլերի հերթականությանը։

Անհրաժեշտ է
Մատիտ, ռետին, ֆլոմաստերներ

Սկսենք նկարել քիչ թեքություն ունեցող «փայտիկով շաքարաքլոր»։ Նրա ներսում նկարենք «+» նշանը, պարզապես խաչի կենտրոնը մի քիչ ներքևում անենք։

«Շաքարաքլորի» փայտիկի շուրջը նկարենք ձվանման մի պատկեր՝

Ականջները երկու փոքրիկ եռանկյուններ են, որոնց վերին անկյունները փոքր-ինչ կլորացված են։

Ձախ ոտքը օվալի տեսք ունի, իսկ աջը՝ օվալի կեսն է։

Երկու թաթիկները ևս օվալներ են։ Դրանցից յուրաքանչյուրի վերևի հատվածում փոքրիկ կիսաշրջան նկարենք, որոնք կլինեն նրա բութ մատիկները։

Ավելացնենք բեղիկները, ծաղիկը։ Խաչի գծերի վրա նկարենք երեք օղակներ, որոնք կլինեն փիսիկի աչուկներն ու քիթիկը։
Այժմ նկարենք փիսիկի հագուստը։ Դրա համար թևերի վրա ուղիղ հատվածներ ենք տանում (կարճաթև հագուստ է) և վզի հատվածում կիսաշրջանի տեսքով հագուստի վզի հատվածն ենք նկարում։

Այժմ փիսիկի հիմնական գծերը հաստացնենք ֆլոմաստերով կամ մատիտով, ռետինի օգնությամբ հեռացնենք ավելորդ գծերը և ներկենք Կիտտիին մեր ցանկացած գույներով.