Շանը կամ կատվին առանց պոչ պատկերացնելը դժվար է։ Իսկ ինչի՞ համար է կենդանիներին ընդհանրապես հակավոր պոչը։
Որոշ կենդանիներին այն ծառայում է որպես ճանճերին քշելու հարմարանք՝ կովերն ու ձիերը ամռանը պոչի օգնությամբ քշում են ճանճերին, մոծակներին։
Իսկ այ շները պոչի օգնությամբ… «խոսում» են։ Շունը, հանդիպելով տիրոջը, պոչն է շարժում, այսինքն ուրախանում է։ Երբ շունը պոչը փոքր-ինչ բարձրացրած քայլում է մի կողմից մյուսը, նշանակում է, որ նա ասում է. «Ես քեզ չեմ դիպչի, բայց դու էլ ինձ հանգիստ թող, թե չէ վատ կլինի»։ Ներքև իջեցված ու մարմնին կպած պոչը տիրոջը ենթարկվելու կամ ինչ-որ բանից վախենալու նշան է։
Գայլը, աղվեսը իրենց պոչն օգտագործում են որպես ծածկոց. ձմռանը ձյան մեջ փոս են փորում, կծկվում մեջը և պոչով փակում քիթը, որպեսզի չսառեն։ Բացի այդ աղվեսներին ու գայլերին փախուստի ժամանակ պոչը ղեկի դեր է կատարում՝ օգնելով արագ ու հեշտ թեքել ճանապարհը։ Այդ նույն նպատակին է ծառայում նաև սկյուռիկի պոչը, միայն թե թռիչքների ժամանակ։
Կապիկներին պոչն օգնում է սննդի հայթայթման ժամանակ։ Պոչը փաթաթվելով ճյուղին, նրա ձեռքերն ազատ են մնում, որը հնարավորություն է տալիս ձեռքերի օգնությամբ պտուղներ քաղել։
