Ինչպե՞ս անցնել մյուս ափը

Զինվորների ջոկատը մոտենում է գետին և պարզվում է, որ կամուրջը քանդված է։ Իսկ գետը խորն է։ Ինչպե՞ս անցնել մյուս ափը։ Հանկարծ հրամանատարը նկատում է երկու տղաների, որոնք ափից ոչ հեռու նավակով զբոսնում են։ Բայց նավակն այնքան փոքր է, որ նրանով կարող են անցնել միայն երկու տղաները կամ միայն մեկ զինվոր և ոչ ավելի։ Սակայն զինվորները հենց այդ նավակով անցան գետը։ Ինչպե՞ս է դա արվել։

Տղաները նավակով անցնում են գետը։ Նրանցից մեկը մնում է ափին, իսկ մյուսը նավակը բերում է զինվորների մոտ և ինքը դուրս գալիս։ Նստում է մեկ զինվոր և անցնում մյուս ափը։ Այն ափին մնացած տղան նավակը նորից բերում է զինվորների մոտ, վերցնում է իր ընկերոջը և տանում մյուս ափը և նորից նավակը ետ բերում, որից հետո ինքը դւրս է գալիս, իսկ այնտեղ նստում է մի ուրիշ զինվոր և անցնում գետը։ Այդպիսով, նավակը գետի այս ափից այն ափը երկու անգամ տանել բերելուց հետո անցնում է մեկ զինվոր։ Այդպես կրկրնում են այնքան անգամ, որքան զինվոր կա։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։