1. Արամը մեծ ու քաղցր խնձոր կերավ, իսկ Աշոտը՝ մեծ ու թթու։ Ի՞նչ նմանություն և տարբերություն կա խնձորների միջև։
2. Անին ու Աննան նկարներ էին նայում։ Մեկը ամսագրի մեջ, մյուսը՝ գրքի։ Ինչի՞ միջի նկարներն էր նայում Անին, եթե Աննան ամսագրի նկարները չէր նայում։
3. Սարոն ու Վահանը նկարում էին. մեկը տուն, մյուսը՝ տերևներով ճյուղ։ Ի՞նչ էր նկարում Սարոն, եթե Վահանը տուն չէր նկարում։
4. Կորյունը, Աստղիկն ու Տրդատը գրքեր էին կարդում։ Մեկը՝ ճամփորդության, մյուսը՝ տիեզերքի, իսկ երրորդը՝ սպորտի մասին։ Ով ի՞նչ գիրք էր կարդում, եթե Աստղիկը չէր կարդում սպորտի և տիեզերքի մասին, Իսկ Տրդատը՝ սպորտի մասին։
5. Սոնան, Մերին և Գոհարը ապրում էին տարբեր տներում։ Երկու տները 3 հարկանի էին, իսկ մեկը՝ 2 հարկանի։ Սոնան ու Գոհարը ապրում էին տարբեր տներում, Մերին ու Գոհարը ևս ապրում էին տարբեր տներում։ Ով որտե՞ղ էր ապրում։
6. Լևոնը Արամից բարձրահասակ է, իսկ Արամն ավելի բարձրահասակ է, քան Արսենը։ Ո՞վ է ամենաբարձրահասակը։
7. Ցանկապատի հետևում հավերը քուջուջ են անում։ Ես այնտեղ 6 հավի ոտք եմ տեսնում։ Քանի՞ հավ կա այնտեղ։
8. Կարենը թիվ է մտապահել։ Այն մեծ է 6-ից, բայց փոքր է 8-ից։ Ի՞նչ թիվ է մտապահել Կարենը։
9. Նկարիչը նապաստակ է նկարել։ Այդ նապաստակն ուներ գլուխ, երկու ականջ և երեք ոտք։ Արդյո՞ք ճիշտ է նկարել նապաստակին նկարիչը։
10. Արևիկը նստած է քառակուսի սեղանի մոտ։ Ի՞նչ երկրաչափական պատկերի տեսք ունի սեղանը վերևից։
Մեկնաբանություններ 1