Սոված կոկորդիլոսը

Կոկորդիլոսը շատ սոված էր։ Երբ նրա կողքով ձկների վտառը լողաց, նա բղավեց. «Այսօր ես ձեզ կուտեմ իմ ընթրիքին»։ Ձկնիկներից մեկը պատասխանեց. «Դու կարող ես ուտել ինձ ու մնացած ձկներին, եթե լուծես հետևյալ խնդիրը»։

Քանի՞ եռանիշ թիվ կարելի է գրել օգտագործելով այս թվանշանները։

Կոկորդիլոսը մտածեց, մտածեց և վերջապես պատասխանեց. «Շատ հեշտ խնդիր է, կարելի է կազմել 6 թիվ»։

Գրիր բոլոր այն թվերը, որոնք հնարավոր է կազմել 1, 6, 8 թվանշաններով։ Համոզվիր, որ ընդամենը 6 եռանիշ թիվ է ստացվում։

Բայց ձկնիկը խորամանկեց. նա թվանշաններից մեկը շուռ տվեց գլխիվայր։ Նույնը փորձիր և դու։ Այժմ ասա, թե ի՞նչ լուծում ունի խնդիրը։