Հետաքրքիր փորձ էլեկտրամագնիսական դաշտի վերաբերյալ։
Անհրաժեշտ է.
Թուղթ, ասեղ և ռետին։
Փորձի անցկացումը
1-2սմ լայնությամբ և 10-15սմ երկարությամբ թղթի երիզ կտրիր, ծալիր ծայրերից և կենտրոնից, ինչպես ցույց է տրված նկարում։ Ասեղի սուր ծայրը մտցրու ռետինի մեջ, իսկ երիզը դիր ասեղի բութ կողմի վրա՝ պահպանելով հավասարակշռությունը։
Պատրաստիր կախարդական փայտիկ (պատրաստելու ձև կարող ես գտնել «Կախարդական փայտիկ» հոդվածում), շփիր այն չոր լաթով և կողքից կամ վերևից մոտեցրու թղթե երիզի մի ծայրին՝ առանց նրան դիպչելու։
Ի՞նչ է տեղի ունենում
Թղթե երիզը կսկսի տատանվել վերև-ներքը կամ կպտտվի, ինչպես կառուսել։
Եթե թղթից կարողանաս կտրել թիթեռնիկ, ապա փորձն ավելի հետաքրքիր կստացվի։
