Ողջունելու կանոնները

Ողջույն, փոքրիկ.
Այսօր կզրուցենք այն մասին, թե ինչպես պետք է հանդիպման ժամանակ ողջունել ընկերներին ու բարեկամներին։

Նախ և առաջ հիշեցնեմ, որ առաջինը փոքրերն են ողջունում մեծերին։ Չնայած, դաստիարակված մարդը չի սպասում, որպեսզի իրեն ողջունեն, այլ ինքն է առաջինը ողջունում։

Եթե այն մարդը, ում ուզում ես ողջունել, հեռու է քեզնից, օրինակ սրահի մյուս անկյունում, ձեռքերդ մի թափահարիր կամ մի բղավիր ամբողջ սրահով մեկ։ Փորձիր հանդիպել նրա հայացքին և ժպտալով գլխով անել։ Դա բավարար է։

Աղմկոտ ու բուռն գոչյունները, օրինակ՝ «Էս ո՞՜ւմ եմ տեսնում», «Վերջապե՜ս», «Ո՞՜ւր էիր կորել»… ողջույն չեն։

Եթե նույն մարդը օրվա մեջ մի քանի անգամ է հանդիպում քեզ, ողջունիր նրան ամեն անգամ, բայց տարբեր ձևերով՝ գլխով արա, ժպտա, ձեռքդ թեթև թափահարիր, եթե սնվելու ժամանակ ես հանդիպում, բարի ախորժակ մաղթիր և այլն։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։