Հանելուկների օգնությամբ ծանոթանանք մասնագիտություններին։
1.
Սպիտակ սիրուն գլխարկներով,
Ճերմակ մաքուր գոգնոցներով,
Խոհանոցում են աշխատում
Համեղ-համեղ ապուր սարքում։
2.
Երեխաները մեր շնորհիվ
կարդալ-գրել են սովորում,
դպրոցում ու դասարանում
հաշվել, պատմել են սովորում։
3.
Քարը-քարին շարելով,
Ցեխ-ավազ շաղախելով,
Սիրուն տներ են սարքում
Բարձր շենքեր կառուցում։
4.
Սանր ու մկրատը ձեռքին,
Հրաշքներ է նա գործում,
Ու մազերով գեղեցիկ
Սանրվածքներ է անում։
5.
Արթնանում ենք, երբ քնած եք,
Ալյուր ու ջուր շաղախում,
Անուշաբույր հաց ենք թխում,
Արթնանում եք ու ուտում։
6.
Երբ հիվանդ ենք, շտապ հասնում է
Ու դեղեր նշանակում
Բոլոր մարդկանց նա բուժում է,
Ու ոտքի է կանգնացնում։
7.
Սպիտակ խալաթ է նա հագնում,
Ու հիվանդներ ընդունում,
Բայց հիվանդներն արի ու տես
կենդանիներն են լինում։
8.
Ղեկը ձեռքին ամբողջ օրը
Ճամփաներն է չափչփում,
Լուսակրի լույսին նայում
Ու ճանապարհ է զիջում։
9.
Սավառնում է ինքնաթիռը
Երկնքում ասես թռչուն
Տեսնես ո՞վ է բռնել ղեկը՝
Նա է հմուտ՝…
10.
Նա պաշտպան է հայրենիքի
Համազգեստ է միշտ կրում
Գիշեր-ցերեկ զենքը ձեռքին
Թշնամուց է պաշտպանում։
11.
Կարմիր-կանաչ իրար խառնում
Շքեզ գույներ է ստանում
Վրձինն առած թղթի վրա
Հրաշք պատկեր նկարում։
12.
Վրձին չունի, ոչ էլ ներկ
Բայց նկար է նկարում,
Սիրուն պատկեր հենց տեսնում է
Ապարատն է նա հանում։
13.
Նա բոլորից լավ է վազում
Մեծ թռիչքներ կատարում
Մրցույթների է մասնակցում
Ոսկի, արծաթ մեդալ ստանում։
14.
Կրակի հետ ենք պայքարում,
Մարդկանց այրվող տներ փրկում։
15.
Նա հսկում է կարգ ու կանոն
Միշտ աչալուրջ է լինում,
Հենց տեսնում է անկարգ մարդկանց,
Շտապ օգնության է հասնում։
