Կիրթ զրուցակից

Ողջույն փոքրիկ։ Իսկ դու զրուցել գիտե՞ս։ Չէ՛, ոչ թե պարզապես խոսել, այլ կիրթ զրույց վարել։ Այս հոդվածը հենց այդ մասին է։

* Բարեհոգի ու հարգալից եղիր զրուցակցիդ նկատմամբ ու հիշիր, որ կիրթ մարդը երբեք չի օգտագործի այնպիսի արտահայտություններ, ինչպիսիք են՝ «քո հետ խոսելն անիմաստ է», «ոնց չես հասկանում», «քո նման անհասկացողի դեռ չեմ հանդիպել», «սա քո խելքի բանը չի» և այլն։
* Հիշիր, որ զրուցակիցդ ևս ասելիք ունի։ Նրան հնարավորություն տուր ներքաշվել զրույցի մեջ։
* Ուշադիր եղիր զրուցակցիդ նկատմամբ։ Փորձիր ավելի շուտ նկատել, որ նա շտապում է, քան ինքը կասի այդ մասին։ Եթե զգում ես, որ զրույցի թեման անհետաքրքիր կամ տհաճ է զրուցակցիդ համար, ժամանակին փոխիր այն։
* Մի քննադատիր այս կամ այն մարդու պահվածքը, հագնվելու ոճը։ Բամբասկոտի անուն կհանես։
* Շատախոս մի եղիր։ Երկար զրույցը հոգնեցուցիչ է լսողների համար։
* Խոսքի մեջ մի օգտագործիր այնպիսի բառեր, որոնց իմաստը քեզ անհասկանալի է և որոնք կարող են անծանոթ լինել նաև զրուցակցիդ։
* Զրուցելիս ձեռքերդ հանգիստ թող ու մի շարժիր։ Եթե դու արտահայտվես կոնկրետ ու հստակ, քեզ անպայման կհասկանան։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։