Սովորում ենք նկարել ոզնի։
Անհրաժեշտ է՝ սև հասարակ մատիտ, գունավոր մատիտներ, թուղթ և ռետին։
1. Առաջին փուլում ուրվագծերը տանելիս մատիտը պետք չէ սեղմել թղթին (որպեսզի հետագայում ավելորդ գծերը հեշտությամբ մաքրվեն)
2. Մարմնի համար նկարում ենք մեծ ձվաձև, իսկ գլխի համար՝ եռանկյուն.
3. Ձվաձևի ներքևի հատվածում հորիզոնական գծեր տանենք։ Մարմնից դեպի այդ գծերը փոքրիկ կոր հատվածներ տանենք։ Կստանանք ոզնու թաթերը։ Մի թաթն էլ պետք է նկարել մի փոքր վերևում։ Գլխին նկարում ենք փոքր եռանկյուն՝ «կատարը»։
4. Նկարենք փոքրիկ կիսաշրջանի տեսքով ականջը, երկու շրջաններ՝ աչքն ու քիթը և անկյան տեսքով բերանը։
5. Գլխից դեպի մարմինը կոր գիծ տանենք։ Նկարենք թաթերը։
6. Ռետինի օգնությամբ ջնջենք ավելորդ գծերը, իսկ հիմնական գծերը մգեցնենք։
7. Գունավոր մատիտների օգնությամբ ներկենք ոզնուն և նկարենք փշերը։
