Ինչպես կիրթ խոսել հեռախոսով

Սիրելի փոքրիկ, իսկ դու գիտե՞ս, ինչպես կիրթ զրուցել հեռախոսով։ Եթե ոչ, ապա այս հոդվածը քեզ համար է։

1. Առաջին հերթին պետք է լինել քաղաքավարի և հնարավորինս հստակ ու կարճ խոսել։
2. Հեռախոսազանգը լսելուց պատասխանիր զանգին, և «ալո» բառից հետո չմոռանաս պատասխանել ողջույնին։
3. Եթե քեզ խնդրել են հեռախոսը փոխանցել մեկ ուրիշի, ապա «իսկ ո՞վ է», «ինչի՞ համար» հարցերը անտեղի են ու տգեղ։ Այն, ինչ պետք է, զանգահարողը կասի քեզ առանց հարցնելու։ Իսկ հարցնել՝ «ինչ-որ բան փոխանցե՞լ», երբ հեռախոսազանգի հասցեատերը տանը չէ, ճիշտ ու սիրալիր կլինի։
4. Եթե դու զբաղված ես, ներեղություն խնդրիր և ասա, որ հետադարձ զանգ կկատարես, երբ ազատվես։ Բայց չմոռանաս զանգելը։
5. Եթե սխալ համար են հավաքել, քաղաքավարի պատասխանիր, որ սխալվել են։ Մի բորբոքվիր, չէ՞ որ դու էլ անսխալական չես։
6. Եթե վստահ չես, որ հեռախոսահամարը ճիշտ ես հիշում, ապա անպայման ճշտիր այն ու նոր զանգահարիր։ Իսկ եթե սխալ ես զանգել, երբեք հարցուփորձ մի արա, թե ում ես միացել և դա ո՞ր հեռախոսահամարն է։ Ներեղություն խնդիր և անջատիր հեռախոսը։
7. Հեռախոսազանգ կատարելուց առաջինը ողջունիր և ներկայացիր։
8. Ճիշտ կլինի զանգահարելուց հարցնել, արդյո՞ք զրուցակիցդ զբաղված չէ և հարմար է նրան խոսելը։
9. Հեռախոսազանգը կարելի է համարել անկոչ այցելություն։ Դրա համար միշտ հիշիր, որ կիրթ մարդիկ երբեք չեն չարաշահում հեռախոսային խոսակցությունները և զանգահարում են միայն անհրաժետության դեպքում։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։