Ինչո՞ւ խլուրդը դուրս չի գալիս արևի տակ

Իրոք, խլուրդները հազվադեպ են դուրս գալիս իրենց բներից։ Նրանք ապրում են որջերում, որոնք փորում են խորը հողի տակ։ Կարծիք կա, որ արևի հետ հանդիպելը կարող է խլուրդի մահվան պատճառ հանդիսանալ։ Սակայն այդ կարծիքը սխալ է։ Եթե խլուրդը արև տեսնի, նրան բնավ ոչինչ էլ չի պատահի։
Բանը նրանում է, որ խլուրդները շատ վատ եսողություն ունեն և հազիվ են տարբերում լույսը։ Քանի որ խլուրդն ապրում է մթության մեջ, նրա աչքերը ենթարկվել են մուտացիայի և դրանց վրա հատուկ թաղանթ է առաջացել։ Արևի լույսը նրա համար սարսափելի չէ։
Խլուրդի մարմինը սովոր է ընդհատակում ապրելուն։ Բահի տեսք ունեցող առջևի թաթերով խլուրդը գետնի տակ փորում է իր բազմամետր երկարությամբ որջը։ Խլուրդի մարմինը շատ ճկուն է և նա նույնիսկ ամենանեղ գետնանցումի մեջ կարող է հետ պտտվել։
Խլուրդի ականջները խեցիներ չունեն, քանի որ դրանք կխանգարեին ազատ շարժվելուն։ Այս կենդանին 3 ժամից ավել սոված մնալ չի կարող։ Դրա համար նա անընդհատ ուտելիք է փնտրում՝ հորեր փորելով։ Խլուրդների ամենասիրելի ուտելիքն անձրևորդերն են։ Այս ընդհատակյա կենդանին ունի շատ լավ հոտառություն և դրա միջոցով գտնում է իր ուտելիքը։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։