Զարգացնում ենք հիշողությունը

Այս առաջադրանքները նախատեսված են 4-5 տարեկան երեխաների համար։ Սրանք կօգնեն կոփել երեխայի հիշողությունը։ 
Անհրաժեշտ է հետևել բերված հրահանգներին, որոնց յուրաքանչյուր առաջադրանքի համար տարբեր են։

Առաջադրանք 1.

Առաջարկեք փոքրիկին ուշադիր նայել նկարին ու հիշել, թե ինչ առարկաներ են պատկերված, նույն առարկայից քանի հատ կա և ինչ գույնի են դրանք։

Երեխային ցույց տվեք երկրորդ նկարը և հարցրեք. «Ի՞նչ է փոխվել՝ համեմատած նախորդ նկարին»։ Եթե երեխան չի կարողանում պատասխանել, կարելի է հուշող հարեր տալ։ Երբ փոքրիկը պատասխանի, նրան ցույց տվեք երկու նկարները միաժամանակ և թույլ տվեք նրան՝ գտնել սեփական սխալները։

Առաջադրանք 2.

Ցույց տվեք երեխային նկարը։ Նա պետք է հիշի, թե ինչ առարկաներ են պատկերված նկարի վրա։ Այնուհետև թաքցրեք նկարը և առաջարկեք փոքրիկին հիշել՝ թե ինչ կար նկարի վրա։

Առաջադրանք 3.

Փոքրիկին ցույց տվեք նկարը։ Երեխան պետք է փորձի հիշել, թե ինչ է պատկերված նկարում։ Թաքցրեք նկարը և երեխային հարցեր տվեք նկարի վերաբերյալ։ Օրինակ՝ «Ովքե՞ր էին նստած սեղանի մոտ», «Ի՞նչ գույնի էր ոզնու վերնաշապիկը», «Իսկ սկյուռի հագուստն ի՞նչ գույնի էր», «Ի՞նչ կար սեղանի տակ», «Գետնին գորգ կա՞ր արդյոք» և այլն։

Առաջադրանք 4.

Առաջարկեք փոքրիկին ուշադիր նայել պատկերված առարկաներին, հիշել դրանք։ Ցանկալի է, որ նա նաև առարկաների անուններն ասի։

Ցույց տվեք հաջորդ նկարը։ Հարցրեք երեխային, թե ո՞ր առարկաները կային նախորդ նկարում, և որո՞նք են ավելացել այս նկարի մեջ։

Առաջադրանք 5.

Թույլ տվեք երեխային ուշադիր նայել նկարը և տեսնել, թե երեխաներից ով ինչով է զբաղվում, ի՞նչ առարկաներ են նրանցից յուրաքանչյուրի մոտ։

Ցույց տվեք հաջորդ նկարը։ Փոքրիկը պետք է հիշի, թե ի՞նչ առարկա կար երեխաներից յուրաքանչյուրի մոտ։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։