Հյուր ընդունելիս

Յուրաքանչյուր մարդ, ով ձեր տան շեմից ոտքը ներս է դրել, հյուր է, ում պետք է վերաբերվել սիրալիր ու հյուրընկալ։
Եթե հյուրը մի քանի րոպեով չի եկել, այլ ավելի երկար ժամանակով, ապա նրան պետք է առաջարկել հանել վերնազգեստը։ Ընդ որում, դու պետք է օգնես նրան վերնազգեստը կախել կախիչից։
Արա ամեն ինչ, որպեսզի հյուրը շուտ հարմարվի և իրեն զգա ինչպես իր տանը։ Առաջարկիր նրան նստել ամենահարմար տեղում։
Հյուրին զրույցով զբաղեցրու, իսկ զրույցի թեման թող հյուրը ընտրի։
Հյուրին միայնակ մի թող երկար ժամանակով։ Իսկ եթե պետք է երկար ժամանակով դուրս գաս, անպայման ներեղություն խնդրիր նրանից։
Եթե հյուրը երկար ժամանակ է՝ ինչ եկել է ու չի պատրաստվում գնալ, իսկ դու անհետաձգելի գործեր ունես, փորձիր նրան այնպես զգուշացնել, որպեսզի նա չվիրավորվի։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։