1

Երեխաների մոտ մոտորիկան զարգացնող խաղեր

zachem-razvivat-melkuyu-motorikuՀարկ չկա սպասել, թե երբ փոքրիկը կկարողանա ինքնուրույն առաձկաներ բռնել,և պետք է սկսել մանր մոտորտիկան զարգացնող վարժությունները երեխայի կյանքի առաջին օրերից։

Նորածին բալիկներին պետք է մատիկների վարժություններ կատարել՝ հերթականությամբ մերսել յուրաքանչյուր մատիկը, ծալել և բացել դրանք, ձեռքի ափերը շրջանաձև շոյել։92816344-Babys-fingers
Իսկ երբ երեխան փոքր-ինչ կմեծանա, պետք է նրա հետ խաղալ զանազան խաղեր և վարժություններ կատարել, որոնք նպատակաուղղված կլինեն հենց մանր մոտորիկայի զարգացմանը։

1. Թղթի պատառոտում
Այս խաղը հարմար է 7 ամսական և բարձր երեխաների համար։ Փոքրիկին տվեք մի քանի փափուկ գունավոր թուղթ։ Նա հաճույք կստանա դրանք շոշափելով, կսկսի ձեռքերի մեջ շուռումուռ տալ ու պատառոտել։ Այս զբաղմունքը փոքրիկին անասելի հաճույք կպատճառի։

2. Վարժություն անց ունեցող թղթով
Հաստ ստվարաթղթից որևէ պատկեր կտրեք, ապա այդ պատկերի որևէ եզրում դակիչի (дырокол) միջոցով անցք բացեք։ Այժմ երեխային ցույց տվեք, թե ինչպես կարելի է գունավոր ժապավենն անց կացնել անցքի միջով և նա կշարունակի խաղը։

200783_9681-800x600(1)3. Կափարիչների պտտում
Կափարիչները պտտելու միջոցով փակելու և բացելու հասարակ զբաղմունքը կզարգացնի երեխայի մատիկների շարժունակությունը։ Անհրաժեշտ է վերցնել տարբեր չափսերի տարաներ՝ բանկաներ, շշեր և այլն, և առաջարկել երեխային՝ պտտելով բացել և փակել կափարիչները։

4. «Հուլունքագործություն»
3-4 տարեկան հասակում երեխաներին մեծ հաճույք է պատճառում թելի վրա անց կացնել զանազան հուլունքներ, կոճակներ և այլն։ Երեխային տվեք անցքեր ունեցող դետալներ և թող նա մայրիկի ու babycaredaily-comտատիկի համար զարդեր պատրաստի։ Այս զբաղմունքը ոչ միայն կզարգացնի մանր մոտորիկան, այլ նաև երեխայի մոտ կդաստիարակի հանգիստ նստելու էթիկան ու աչքաչափը։

5. Կոնստրուկտորներ
Մանր մոտորիկան զարգացնելու լավ խաղեր են կոնստրուկտորներն ու լեգոները։ Շատ կարևոր է տանն ունենալ մի քանի կոնստրուկտորներ (անպայման միացման տարբեր սկզբունքներով)։

6. Ծեփ
Մանր մոտորիկան շատ լավ զարգանում է ծեփի միջոցով։ Որպես ծեփի միջոց կարելի է օգտագործել պլաստիլնիը, աղի խմորը, կավը։




Համակարգիչ. բարեկա՞մ, թե՞ թշնամի

kompyuter-dlya-rebenkaԻնչո՞ւ են բոլոր երեխաները համակարգչի, ավելի շուտ համակարգչային խաղերի համար «խելագարվում»։ Գիրք ընթերցելն ու սովորական խաղերն ամբողջովին մոռացել են։

Ըստ հոգեբանների, համակարգչային խաղերը երեխային գերում են իրենց վառ գույներով, նկարների դինամիկայով ու իրադարձությունների վրա ինքնուրույն ազդելու հնարավորությամբ, որը բացառվում է մուլտֆիլմերի դեպքում։
Սակայն, շատ ծնողներ, բացասաբար են վերաբերվում իրենց երեխայի այդ հրապուրանքին։ Ճի՞շտ են արդյոք նրանք, թե՞ նրանց մտավախությունը սխալ է։

Ի՞նչ են ասում հոգեբանները

Հոգեբանները միակարծիք չեն այն հարցում, թե արդյո՞ք օգտակար են համակարգչային խաղերը երեխաների համար։ Որոշ հոգեբաններ կարծում են, որ խաղերը զարգացնում են մտածողությունը, օգնում են տրամաբանել։ Դա, անխոս, վատ չէ։ Սակայն շատ մասնագետներ վստահ են, որ խաղերի նկատմամբ չափազանց մեծ սերը երեխաներին կարող է անդառնալի վնաս հասցնել։ Ինչո՞ւ։ Երեխաները, որոնք երկար ժամանակ են անցկացնում էկրանների առջև, դժվարությամբ են լեզու գտնում հասակակիցների հետ։ Նրանց հետաքրքրասիրությունները, որպես կանոն, սահմանափակ են. նրանց չեն հետաքրքրում ֆուտբոլը, ֆիլմերը, ցուցահանդեսները և այլն։ Համակարգիչն ասես թմրանյութ լինի։ Երեխային հեռացնում է ռեալ կյանքից, փոխարինելով հասակակիցների հետ նորմալ հարաբերություններին։ Եթե նման երեխան ընկերներ ունի, ապա նրանք ևս համակարգչային խաղերի սիրահար են։ Մասնագետներն անհանգստանում են, քանի որ յուրաքանչյուր տարի ավելի շատ երեխաներ ն նման զբաղմունքը գերադասում։

Ի՞նչ կարծիք ունեն բժիշկները

Ինչպե՞ս են նրանք վերաբերվում երեխաների ամենօրյա շփումներին իրենց «էլեկտրոնային ընկերոջ» հետ։ Ըստ բժիշկների, երեխաներին անհրաժեշտ է հնարավորինս հեռու պահել համակարգիչներից։ Բժշկական տեսանկյունից, համակարգչային խաղերի չարաշահումը բացասաբար է անդրադառնում երեխայի առողջության վրա։ Առաջին տուժողը աչքերն են։ Մարդու աչքը սովոր է լույսի անդրադարձին, իսկ համակարգչային պատկերները վառ, անդադար լուսավորող կետեր են։ Աչքի համար բարդ է նման ինֆորմացիան «կարդալը»։ Դա հատկապես մեծ ծանրաբեռնվածություն է երեխայի աչքերի համար։

Իսկ ինչպիսի՞ խաղեր են նախընտրում Ձեր փոքրիկները։ Իհարկե, ոչ մի վատ բան չկա, եթե նրանց հետաքրքրում են հանգիստ, ուսուցողական խաղեր (իհարկե, եթե նրանք օրուգիշեր այդ խաղերը խաղալով չեն անցկացնում)։ Իսկ կռիվ տեսարաններով խաղերից պետք է հրաժարվել։ Այդպիսի «անմեղ» խաղերը կարող են հանգեցնել նյարդային համակարգի և հոգեկան աշխարհի շեղումների։ Եթե նկատել եք, որ ձեր զավակը դարձել է ծույլ, նվնվան, կամ, հակառակը, ագրեսիվ ու չափից դուրս դյուրագրգիռ, ապա համակարգչով զբաղմունքը ցանկալի է ժամանակավորապես դադարեցնել։ Զբոսնեք միասին, այնպիսի զբաղմունք ու խաղեր մտածեք, որոնք կհանեն նյարդային լարվածությունը։
Երկար ժամանակ համակարգչի առջև նստելով երեխայի մոտ առաջանում է ողնաշարի ծռման վտանգ։ Երբ փոքրիկը տևական ժամանակ կուզիկ վիճակում նստում է էկրանի մոտ, հիմնական ծանրաբեռնվածությունն ընկնում է վզի մկանների, ուսագոտու, ձեռքերի և մեջքի վրա։ Դա տեղի է ունենում ընդհանուր անշարժության արդյունքում, քանի որ երեխան ոչ մի ֆիզիկական աշխատանք այդ ժամանակ չի կատարում։ Այդ իսկ պատճառով, եթե Ձեր երեխան չի կարող ապրել առանց համակարգիչ, ապա նրան անհրաժեշտ է զբաղվել ֆիզիկական մարմնամարզությամբ կամ պարզապես շարժուն խաղերով, այլապես նրա մկանները անգործությունից կթուլանան։

Ոսկե միջինը

Եթե ամեն ինչ այդքան վատ է, միգուցե երեխաներին արգելե՞նք ընդհանրապես մոտենալ համակարգչին։ Իհարկե, ո՛չ։ Երեխան պետք է ոչ միայն խաղա, այլ նաև սովորի աշխատել այդ խելացի մեքենայով։ Ծնողների առաջադրանքն է հետևել , որպեսզի երեխաների մոտ առողջական որևէ խնդիր 1չառաջանա։ Մասնագետները վստահեցնում են, որ եթե համակարգչի առջև անց կացվող ժամանակը ճիշտ պլանավորվի, ապա բացասական հետևանքներից կարելի է խուսափել։
Այսպես, եթե տնային համակարգիչ ունեք, պարզապես պետք է որոշ անվտանգության միջոցներ ձեռնարկել։ Համակարգիչը պետք է լինի պատուհանից ձախ։ Մութ սենյակները բացարձակապես ցանկալի չեն։ Տարածքը, որտեղ տեղադրված է համակարգիչը, պետք է լինի ոչ պակաս քան 6 քառ. մետր։ Հատակը պետք է այնպիսի նյութից լինի, որպեսզի հաճախ խոնավ մաքրման ենթարկվի։ Եթե օդափոխիչ համակարգ չկա, ապա անհրաժեշտ է ժամանակ առ ժամանակ օդափոխել տարածքը։
Հետևեք, որպեսզի երեխայի աչքերը էկրանից գտնվեն ոչ պակաս քան 50 սմ հեռավորությունը։ Օպտիմալ է համարվում 60-70 սմ-ը։
Եթե չունեք հատուկ համակարգչի համար նախատեսված սեղան, համակարգիչը կարելի է դնել սովորական սեղանի վրա, սակայն այնպես, որ երեխային համար լինի։ Ցանկալի է, որ աթոռի բարձրությունը կարգավորվող լինի։ Թույլ մի տվեք երեխային ձգվել դեպի ստեղնաշարը։ Ստեղնաշարը չպե՛տք է լինի երեխայի դնչին մոտ կամ հակառակը՝ շատ ցածր։ Երեխայի աթոռն անպայման պետք է ունենա թիկնակ, որպեսզի փոքրիկը կարողանա հենվել և մեջքի ծանրաբեռնվածությունը դրանով մեղմել։
Իսկ որքա՞ն ժամանակ է կարելի երեխաներին անցկացնել համակարգչի էկրանի առջև։
Ըստ մասնագետների, համակարգչով զբաղվելու անընդհատ տևողությունը չպետք է գերազանցի՝
5 տարեկանում — 7 րոպեն,
6 տարեկանում — 10 րոպեն,
2-5-րդ դասարանների աշակերտների համար — 15 րոպեն,
6-7-րդ դասարանների աշակերտների համար — 20 րոպեն,
8-9-րդ դասարանների աշակերտների համար — 25 րոպեն։
Երբ երեխան համակարգչի առջևից վեր կենա, անպայման մի քանի ֆիզիկական մարմնամարզություն և աչքի համար նախատեսված վարժություններ կատարեք՝ ընդհանուր ընկճվածությունը թոթափելու համար։ Վարժությունների համախումբը կարող եք ինքներդ կազմել, բայց այն պետք է անպայման ընդգրկի ձեռքերի և ոտքերի թափահարում, գլխի պտույտներ և տարուբերումներ աջ ու ձախ, առաջ ու հետ։
Հետևելով մեր խորհուրդներին, Ձեր երեխան կշարունակի մնալ առողջ ու շարժուն։

Վարժություններ աչքերի համար

2b* Փակել աչքերը՝ աչքերի մկանները խիստ լարելով։ Այնուհետև բացել աչքեր և, աչքերի մկանները թուլացնելով, նայել հեռուն։ Կրկնել 4-5 անգամ։
* Նայել քթի ծայրին և հայացքը մի քանի վայրկյան պահել այդ դիրքում, փակել աչքերը։ Այնուհետև բացել աչքերն ու նայել հեռուն։ Կրկնել 4-5 անգամ։
* Չթեքելով գլուխը նայել աջ ու հայացքը սևեռել աջակողմյան որևէ իրի վրա, այնուհետև նայել ուղիղ հեռուն։ Համանման ձևով կատարել՝ նայելով ձախ, վերև և ներքև։ Վարժությունը պետք է կրկնել 3-4 անգամ։
* Հայացքը արագ շարժել հետևյալ ուղղություններով՝ աջ-վերև, ձախ-ներքև, ապա նայել հեռուն։ Այնուհետև կրկնել հակառակ ուղղությամբ՝ ձախ-վերև, աջ-ներքև և ուղիղ։ Կրկնել 4-5 անգամ։




Երեխայի հետ շփման մի քանի հիմնական կանոն

1349907037_rec— Քանի դեռ երեխան չի խնդրել, մի՛ խառնվեք այն գործին, որով զբաղված է նա։ Չմիջամտելով, Դուք երեխային հաղորդում եք. «Դու խելացի ես ու ամեն ինչ կարող ես»։
— Եթե երեխայի համար գործը բարդ է և նա օգնության կարիք ունի, անպայման օգնեք նրան։ Ընդ որում, Դուք կատարեք միայն այն գործողությունները, որը փոքրիկը չի կարող ինքնուրույն կատարել, իսկ մնացածը թողեք նրան։
— Աստիճանաբար երեխային «հանձնեք» սեփական անձի համար պատասխանատվությունն ու խնամքը։
— Թույլ տվեք, երեխան զգա իր արարքների (կամ ծուլության) բացասական արդյունքները։ Հենց այդ ժամանակ է երեխան «մեծանում» և գիտակցում իր արարքի լրջությունը։
— Եթե երեխան հուզական խնդիր ունի, անպայման լսեք և կիսեք նրա հույզերը։
— Եթե երեխայի վարքը բացասական զգացմունքներ է առաջացնում, ապա անհրաժեշտ է նրան այդ մասին զգուշացնել խոսքի միջոցով։
— Երեխայի հետ շփման ժամանակ հնարավորինս բացառեք հրամայելը, վախեցնելու տեսքով զգուշացումները, բարոյախոսությունը և այլն։
— Ձեր սպասելիքները համադրեք երեխայի կարողությունների հետ։ Մի պահանջեք նրանցից անհնարին ու դժվար իրականացվող գործողություններ։
— Երեխայի հուզական խնդիրները Ձեզ մի վերագրեք։
— Կանոններ (պահանջներ, սահմանապակումներ) պետք է լինեն յուրաքանչյուր երեխայի կյանքում։ Սակայն դրանք չպետք է լինեն չափազանց շատ։ Շատ լավ արդյունքի կհասնեք, եթե այդ կանոնները ճկուն լինեն և ենթարկվեն փոփոխության այս կամ այն հանգամանքում։ Ծնողական պահանջները չպետք է հակասեն երեխայի կարևոր կարիքներին։ Կանոնները (սահմանափակումները, արգելքները, պահանջները) պետք է համաձայնեցված լինեն մեծահասակների կողմից։ Արգելքն ու պահանջն արտահայտելիս, խոսքի ելևէջները պետք է լինեն ավելի շատ բարեկամական-բացատրողական, քան հրամայական։




Խաղեր Նոր տարվա ուրախ ժամանցի համար

1Ամանորը բարձր տրամադրություն, խինդ ու ծիծաղ ապահովող հեքիաթային տոն է։ Հետաքրքիր խաղերը երեխաների տոնը կդարձնեն առավել հիշվող ու գեղեցիկ։ Խաղերին կարող են մասնակցել ինչպես երեխաները, այնպես էլ մեծահասակները։

«Փչում ենք փաթիլների վրա»

Պատրաստեք մի մեծ սկուտեղ՝ վրան մանրացված սպիտակ թղթերով։ Երեխաներին ասեք, որ Ձմեռ Պապը սիրում է սառնամանիք ու ձյուն։ Առաջարկեք երեխաներին փչել սկուտեղի վրա այնպես, որպեսզի բոլոր փաթիլները թռչեն (կարելի է փչել հերթով կամ ամբողջ խմբով միասին)։

«Բռնիր փաթիլը»

Նախապես պատրաստեք գեղեցիկ գունավոր փաթիլներ թղթից։ Այդ փաթիլները մի քանի հատով անհրաժեշտ է նետել օդ, իսկ երեխաները պետք է դրանք բռնեն։ Կհաղթի այն երեխան, ով ավելի շատ փաթիլ կհավաքի։

«Հավաքիր ձնագնդերը»

Գետնին լիքը ձնագնդեր են լցված (պատրաստված թղթից, սպիտակ կտորից կամ բամբակից)։ Երաժշտության ներքո երեխաներն իրենց մոտգի գեղեցիկ տուփերի մեջ պետք է արագորեն հավաքեն ձնագնդերը։ Կհաղթի նա, ով ավելի շատ փաթիլ կհավաքի։
Որպես խաղի շարունակություն կարելի է այդ ձնագնդերըերը նետել միմյանց վրա։

«Ձնագնդերը հասնում են նշանակետին»

Որպես նախորդ խաղի շարունակություն, կարելի է երեխաների դիպուկությունը ստուգել։ Դրա համար մի քանի քայլ հեռավորության վրա տեղադրում եք զամբյուղ կամ արկղ, իսկ փոքրիկները պետք է այդ հեռավորությունից ձնագնդերը նետեն տարաների մեջ։

«Տոնածառեր»

Երեխաներն իրար ձեռք բռնած շրջան են կազմում։ Երեխաներին պատմեք, որ տոնածառները լինում են բարձր և կարճ, լայն և նեղ։ Երբ դուք ասում եք «բարձր տոնածառ», փոքրիկները պետք է ձեռքերը վեր բարձրացնեն, երբ ասում եք «կարճ տոնածառ», փոքրիկները կքանստում են, «լայն տոնածառի» դեպքում պետք է առանց միմյանց ձեռքերը բաց թողնելու մեկ քայլ հետ գնան՝ լայնացնելով շրջանը, իսկ «նեղ տոնածառի» դեպքում՝ հակառակը (մեկ քայլ առաջ)։ Երբ երեխաները խաղի կանոնները լավ յուրացնեն, կարելի է երեխաներին շփոթեցնել խաղի ընթացքում։

«Որտե՞ղ է իմ կոշիկը»

Իտալիայում Բեֆինա փերին երեխաների նվերները տեղադրում է նրանց կոշիկների մեջ։ Երեխաներին առաջարկեք հանել կոշիկները, ապա 2բոլոր կոշիկները խառնեք իրար։ Հրահանգի ժամանակ երեխաները վազքով մոտենում են կոշիկների կույտին և փորձում գտնել ու հագնել իրենց կոշիկները։ Կհաղթի նա, ով առաջինը կհագնի իր կոշիկները։

«Ծիծաղիր-ծիծաղիր»

Ձմեռ Պապիկը սիրում է, երբ երեխաները ծիծաղում են։ Դուք փուչիկը նետում եք օդ և երեխաները պետք է ծիծաղեն այնքան, քանի դեռ փուչիկն օդում է։ Հենց փուչիկը դիպչի գետնին, ծիծաղը պետք է դադարի։ Խաղից դուրս է մնում այն մասնակիցը, ով չի կարողանում դադարեցնել ծիծաղը։

«Կսառեցնեմ-կսառեցնեմ»

Ձմեռ Պապիկի գլխարկով մեծահասակը փորձում է բռնել երեխաներին, ասելով. «Կսառեցնեմ-կսառեցնեմ քիթիկը», երեխաները պետք է փախչեն՝ ձեռքերով թաքցնելով իրենց քիթը։ Այնուհետ մեծահասակն ասում է. «կսառեցնեմ-կսառեցնեմ այտերը», այս դեպքում երեխաները փախչում են ձեռքերը դնելով իրենց այտերի վրա։

«Նոր տարվա տոնածառ»

4Երկու երեխաների (որոնք կլինեն «տոնածառները») հագուստների վրա ամրացրեք 5-7 հատ լվացքի գունավոր կախիչներ։ Դրանք կլինեն տոնածառի զարդերը։ Կապեք փոքրիկների աչքերը։ Երեխաների խնդիրն է հնարավորինս արագ միմյանց վրայից պոկել կախիչները։

«Բռնիր ձնագնդերը»

Երեխաները բաժանվում են զույգերի։ Նրանցից մեկի ձեռքը զաբյուղ է (փոքրիկ տուփ կամ դույլ), իսկ մյուսի մոտ՝ պարկի մեջ լցված ձնագնդեր (պատրաստված ճմրթած թղթերից կամ բամբակից)։ Յուրաքանչյուր երեխա իր զույգին նետում է ձնագունդը, իսկ նրա ընկերը պետք է փորձի այն բռնել իր զամբյուղով։ Եթե ձնագունդը զամբյուղի կողքով է անցնում, ուրեմն այլևս այն խաղի մեջ չէ։ Հաղթում է այն զույգը, ով ավելի շատ ձնագունդ է հավաքել (որոշակի ժամանակահատվածում, օրինակ որևէ երաժշտության ներքո)։

«Գտիր ձմռան վերաբերող բառերը»

Երեխաների մոտ արտասանեք խառը բառեր։ Երեխաները պետք է ծափ տան, երբ լսեն ձմռան վերաբերող բառեր (օրինակ՝ ձյուն, երկուշաբթի, տոնածառ, ծով, սահնակ, Ձմեռ Պապ, աշնանային տերևներ, ձնեմարդ, դելֆին, սառույց, փաթիլ, մկրատ և այլն)։

«Նկարիր ձնեմարդ»

Երեխաների աչքերը կապում եք, և նրանք մեծ թղթի վրա ֆլոմաստերով պետք է նկարեն ձնեմարդ։ Խաղն ավելի հետաքրքիր կդառնա, եթե երեխաները բաժանվեն խմբերի և խմբի երեխաներից յուրաքանչյուրը պետք է նկարի ձնեմարդու մի հատվածը։ Կարելի է առաջարկել նկարել տոնածառ։

«Փաթեթավորիր նվերը»

Խաղին մասնակցելու համար անհրաժեշտ են 2-3 երեխա՝ յուրաքանչյուր խմբում։ Նրանք պետք է զուգարանի թղթով փաթեթավորեն որևէ 3փոքրիկ արկղ։

«Հաստլիկը»

Երկու երեխա կանգնում են իրար կողք և ձեռքով գրկում մեկը մյուսի գոտկատեղը։ Ստացվում է երկգլխանի հաստլիկ հերոս։ Այդ հերոսին առաջադրանքներ է տրվում, որոնք նա պետք է կատարի՝ օգտագործելով մի երեխայի աջ ձեռքը, իսկ մյուսի ձախ ձեռքը։ Առաջադրանքների օրինակներ են՝ թուղթը մեջտեղից ծալել 2 մասի, պլաստիլինից խնձոր ծեփել, հագուստ հագնել և այլն։




Ինչպե՞ս կազմակերպել ամանորի տոնը երեխաների համար

image001 Յուրաքանչյուր տոն փոքրիկի համար իսկական հրաշք է, որի ընթացքում նա սպասում է իր ամենաբաղձալի երազանքների իրականացմանը։ Ամանորն իր յուրօրինակ, հեքիաթային մթնոլորտով ոչ մի ուրիշ տոնի հետ չի կարելի համեմատել։
Ցանկացած ծնող ուզում է իր փոքրիկի համար նոր տարվա գիշերը անկրկնելի դարձնել։ Իսկ ինչպե՞ս կազմակերպել Ամանորի տոնն այնպես, որ այն երկար հիշվի։ Փոքրիկի համար գեղեցիկ տոն կազմակերպելը բացարձակապես դժվար չէ։ Անհրաժեշտ է մի փոքր երևակայել ու ժամանակը չխնայել։

Այսպես. հիշեք, որ նախատոնական ընտանեկան զբոսանքը տոնին պատրաստվող քաղաքի մեջ երեխայի համար բավական հետաքրքիր իրադարձություն է։ Չէ՞ որ շուրջ բոլորը գեղեցիկ զարդարված տոնածառներ են, փողոցներն ու խանութների ցուցափեղկերը գեղեցիկ լուսավորված։ Այդ ընթացքում երեխային պատմեք տոնի մասին, այն մասին, թե ի՞նչ է նրան սպասվում Նոր տարվա գիշերը, պատմեք, որ շատ հյուրեր եք ունենալու և նրան այցելելու են Ձմեռ Պապն ու Ձյունանուշը։
1-3 տարեկան երեխաները խիստ կախման մեջ են գտնվում իրենց ծնողների հույզերից և նյարդային կծիկի վերածված ծնողներին տեսնելով չեն կարողանա ուրախանալ։ Այդ իսկ պատճառով ամբողջ հոգով ձուլվեք տոնին և թույլ մի տվեք առօրյա և տոնական հոգսերն իրենց զգացնել տան փոքրիկի ներկայությամբ։

Տոնը երեխաների հետ ցանկալի է նշել տանը։ Եթե փոքրիկն արդեն բոլորել է երկու տարին, ապա նրան կարելի է համարել տոնակատարության լիիրավ մասնակից։ Եթե Ձեր հյուրերի թվում սպասվում են նաև երեխաներ, ապա նրանց համար տոնական անկյուն պատրաստեք, որտեղ նրանք կխաղան ու կզբաղվեն։ Հիշեք, որ 2-3 տարեկան երեխաները շատ արագ են ձանձրանում միևնույն խաղերից։ Այդ իսկ պատճառով պետք է մի քանի հետաքրքիր զբաղմունք նախօրոք մտածել։ Օրինակ, կարելի է այդ տարիքի երեխաների հետ խաղալ «ձնագնդիկ» ճմրթած անձեռոցիկների միջոցով։ Երեխաների հետ «շոգեքարշ-գնացք» խաղացեք տոնական գեղեցիկ երաժշտության ներքո։ Գնացքով երթի ընթացքում պարբերաբար կանգնեք, ու թող երեխաներն այդ ընթացքում որևէ բան արտասանեն ու երգեն։ Խրախուսեք երեխաներին փոքրիկ մրցանակներով։ Երեխաների վերջին «կանգառը» տոնածառի լույսերը վառելու գործընթացն է։ Դա ևս կարելի է վերափոխել խաղի։ Օրինակ, թող երեխաները փչեն տոնածառի վրա, այդ ընթացքում տոնածառի լույսերը կհանգչեն, իսկ երբ ծափ տան, ապա կվառվեն։ Եվ վերջապես, ամենասպասված պահը նվերների բաժանումն է։ Այն ևս կարելի է խաղի վերածել։ Երեխաներին կարող եք բաժանել բացիկներ, որոնց վրա նրանց ծանոթ առարկաների նկարներ են փակցված։ Եվ այդ նույն նկարներից փակցնեք նաև յուրաքանչյուր article1660նվերի վրա։ Այդպիսով, նրանք կկարողանան ճանաչել հենց իրենց նվերը։
Ոչ մի դեպքում մի մոռացեք ռեժիմի մասին։ Թույլ տվեք փոքրիկին Ձեզ հետ միասին դիմավորել ամանորը, ապա պառկեցրեք քնելու։ Մի շտապեք նվերները տալ դեկտեմբերի 31-ին։ Թող երեխաներն առավոտյան դրանք գտնեն եղևնու տակ, չէ՞ որ հեքիաթում Ձմեռ Պապիկը այցելում է, երբ փոքրիկը քնած է։

Ինչքան երեխան մեծ է, այնքան հեշտ է նրա և հյուրերի համար զբաղմունք գտնել։ Միջոցառման սցենարը նախապես մտածեք։ Օրինակ, կարելի է երեխաների համար «կազմակերպել ճանապարհորդություն հեքիաթների աշխարհ»։ Կարող եք հանելուկներ առաջարկել, որպեսզի նրանք լուծեն։ Կարելի է առաջարկել գտնել նվերների պարկը, որը գողացել են Ձմեռ Պապիկի մոտից։ Կարող եք վերցնել ցանկացած այլ միջոցառումների սցենարներ և դրանք մի փոքր հարմարեցնել ամանորի տոնին։ Քանի որ երեխաները նվերներ շատ են սիրում, կարելի է նախապես մի քանի նվեր պատրաստել։ Բայց նվերները պետք չէ միանգամից տալ երեխային։ Գլխավոր նվերները դրեք տոնածառի ու բարձի տակ։ Մեկ այլ նվեր կարելի է դնել ամանորյա գուլպայի մեջ։ Նվեր կարելի է դնել երկարաճիտ կոշիկի մեջ։ Պատկերացրեք, ինչքան կուրախանա երեխան, երբ զբոսանքի գնալուց առաջ հայտնաբերի այն։ Նվերները պետք է լինեն ոչ միայն հետաքրքիր, այլ նաև օգտակար և ուսուցանող։ Տղաներին կարելի է նվիրել կոնստրուկտոր-լեգոներ, իսկ աղջիկներին՝ կարուձևի պարագաներ։

Ավելի մեծ տարիքի երեխան կարող է մի օր հայտնաբերի, որ Ձմեռ Պապիկ գոյություն չունի։ Սակայն դա չի նշանակում, որ տասնամյա փոքրիկը ամանորի տոնին Ձեզնից հրաշք ու կախարդանք չի ակնկալում։ Չէ՞ որ նույնիսկ մեծերը ժամացույցի զարկերի հետ միաժամանակ երազանք են պահում։ Ամանորի գիշերը կարող եք մանկանալ։ Հագեք դիմակահանդեսային հագուստ երեխաների հետ։ Մանկական միջոցառման համար նախապես վիկտորինաներ մտածեք և դրանց մասնակից դարձրեք նաև մեծահասակներին։ Կարող եք երեխաների հետ միաժամանակ խաղալ «փչացած հեռախոս»։ Կարելի է կազմակերպել նաև հետևյալ խաղը. յուրաքանչյուր երեխա (կամ մեծահասակ) միմիկաներով անխոս նկարագրում է, թե կողքինի համար ինչ նվեր կցանկանար պատրաստել։ Երեխաները պետք է գուշակեն այդ նվերը։
Այս տարիքի երեխաների համար նվերը պետք է հաճելի անկնկալ լինի։ Իսկ ընտանիքի մյուս անդամների համար նվերներ ընտրելիս կարելի է խորհրդակցել երեխայի հետ։ Այդ դեպքում նա իրեն օգտակար ու հպարտ կզգա։

Տոն մաքուր օդում

Եթե ամանորին նախօրեին ձյուն գա, ապա կարելի է երեխաներին հետ բակում ձնեմարդ ծեփել, բակային եղևնին զարդարել ու նրա շուրջը պարել։ Ձնե բակը զարդարելը շատ ինքնատիպ ու հաճելի զբաղմունք է։ Կարելի է նախօրոք պատրաստել գունավոր սառույցներ ու դրանցով զարդարել շուրջբոլորը։ Դրա համար պետք է ջրաներկով լուծված ջուրը սառցախցիկում սառեցնել։ Ձյունից կարելի է գեղեցիկ ամրոցներ ու ձնե մարդուկներ պատրաստել։ Իսկ եթե ձյուն չլինի, ամենևին հոգ չէ, կարելի է նաև պայծառ եղանակին բակի եղևնին զարդարել ու պարել նրա շուրջը։ Միայն պետք է հիշել, որ այս դեպքում երեխաներն ինչքան շատ լինեն, այնքան հետաքրքիր կլինի։

Մանկական միջոցառումները պետք չէ ձգձգել, որպեսզի երեխաները չհոգնեն ու չձանձրանան։ Միջոցառումից հետո երեխաները պետք է հանգստանան։ Կարելի է նրանց քնացնել կամ թույլ տալ հանգիստ զբաղմունքի անցնել՝ նկարել, մուլտֆիլմ դիտել։ 2-3 տարեկան երեխաների համար միջոցառումը կես ժամից ավելի չպետք է տևի։ 3-5 տարեկան երեխաների համար այն պետք է լինի մոտ 1 ժամ տևողությամբ, իսկ 5-8 տարեկանների համար՝ ոչ ավել, քան 2 ժամը։

Զարդարում ենք տունը երեխաների հետ միասին

134Տոնածառ զարդարելը երեխաների ամենասիրելի զբաղմունքներից մեկն է։ Տոնածառը կարելի է զարդարել ոչ միայն հատուկ զարդարվելու համար նախատեսված խաղալիքներով։ Պարզապես պետք է հիշել, որ այդ զարդերը պետք է կոտրվող չլինեն։
Այն տանը, որտեղ փոքրիկ երեխա կա, միշտ էլ կգտնվեն փոքրիկ խաղալիքներ, որով հնարավոր կլինի զարդարել տոնածառը։ Օրինակ, որպես տոնածառի խաղալիք կարելի է օգտագործել կինդեր-ձվիկների միջից դուրս եկած խաղալիքները։

Ձնե նախշեր լուսամուտների վրա
Տան պատուհանները կարելի է զարդարել սեփական նկարներով։ Ցանկալի է նկարել գուաշով, որը հետո հեշտությամբ մաքրվում է ապակիների վրայից։ Պետք է հիշել, որ նկարները պետք է թեմատիկ լինեն՝ նվիրված ձմռանն ու ամանորին։

Իսկ թղթերից և այլ նյութերից ամանորի զարդերի պատրաստման նկարագրություններ կգտնեք մեր կայքի հոդվածներում։




Ո՞վ ինչ պտուղ է վերցրել

Անգետիկը, Վինի-Թուխը և Բուրատինոն միասին գնացին զբոսանքի և իրենց հետ վերցրեցին բանան, լոլիկ և նարինջ։ Ի՞նչ է վերցրել նրանցից յուրաքանչյուրը, եթե Անգետիկի վերցրածը կլոր չէ, իսկ Վինի-Թուխինը՝ կարմիր չէ։

angetik

Անգետիկը վերցրել է բանան, Վինի-Թուխը՝ նարինջ, իսկ Բուրատինոն՝ լոլիկ։ 




Ինչպե՞ս գնումներ կատարել երեխայի հետ

xanutԲոլորին է հայտնի, թե խանութներում գնումներ կատարելը որքանով է խանգարում երեխայի առօրյայի ճիշտ կազմակերպմանը: Երեխայի հետ խանութ գնալուց պետք է հիշել հետևյալ կանոները.

Կանոն N1
Գնումներ կատարելն օգտագործեք ի շահ երեխայի: Բակում խաղալը, դպրոց հաճախելը, ինչու չէ նաև խանութ գնալը սոցիալիզացիայի ևս մի տեսակ է: Գնումներ կատարելիս երեխային սովորեցրեք, թե հասարակական վայրում ինչպես պետք է իրեն պահի, ցույց տվեք ինչպես եք ընտրում հագուստը, ինչպես եք տարբերակում հին և նոր կաթնամթերքը, վերջում ու՞մ պետք է տա գումարը: Սովորեցրեք գնահատել գումարի արժեքը, թե ինչ դժվարությամբ եք գումար վաստակում:

Կանոն N2
Նախապատրաստեք երեխային խանութում ինքնուրույն գնումներ կատարելուն: Բացատրեք, թե ինչի՞ համար է պետք գնումներ կատարելը, որքա՞ն եք նախատեսել գումար ծախսել: Գնումներ կատարելիս անպայման հարցրեք և կարևորեք երեխայի կարծիքը:

Կանոն N3
Հասարակական վայրում մի «կոծկեք» երեխայի կամակորությունը. կանայք, սովորաբար, գնումներ կատարելիս հաճախակի մոռանում են xanut2երեխայի մասին և երեխան ուշադրությունն իր կողմը դարձնելու համար սկսում է բղավել, լացել. հավատացեք, կոնֆետով կամ խաղալիքով հարցին լուծում չեք տա: Կարևոր է հասկանալ, որ, եթե խանութում երեխային հետաքրքրող ոչինչ չկա, նրանք սկսում են սարսափելիորեն ձանձրանալ:
Անհանգստությունից կարող է ցավել երեխայի գլուխը, փորիկը, նույնիսկ կարող է տաքություն ունենալ: Մի մոռացեք հաճախակի սիրալիր և ջերմ խոսքեր ասել Ձեր փոքրիկին:

Կանոն N4
Գնումներ կատարելով էլ կարող եք Ձեր օրը հաճելի դարձնել: Երեխային հաճախակի հիշեցրեք՝ «երբ հոգնես, ինձ կասես»:
Պաստառների վառ գույները, բարձր երաժշտությունը, վառ լուսավորվածությունը, օծանելիքի բուրմունքը շատ հեշտությամբ երեխային xanut1կհոգնեցնի: Երբ նկատեք, որ երեխան հոգնել է, շատ խելամիտ կերպով պետք է Ձեր նախագծած ծրագրերը հետաձգեք: Հանրախանութից դուրս եկեք, գնացեք մոտակա այգի կամ սրճարան: Մի մոռացեք, որ փոքրիկն ունի Ձեր կարիքը:

Կանոն N5
Փորձեք երեխայի մեջ հետաքրքրություն առաջացնել գնումների նկատմամբ: Աղջիկ երեխաներին պետք է բացատրել, որ բոլոր տնային տնտեսուհիները գնումներ են կատարում, որ նա էլ պետք է սովորի: Տղա երեխաներին ցույց տվեք, որ շատ կարևոր է նրանց օգնությունը, նա կարող է կատարած գնումները օգնել տուն տանել:
Այսպիսով, Ձեր երեխաներին սովորեցրեք գումարը ճիշտ օգտագործել և ճիշտ տնօրինել:

Պատրաստեց` Անի Գարամյանը
(197 դպրոցի և «Այբ Բեն Գիմ» զարգացման
ակումբի սոցիալական մանկավարժ)




Բանջարեղեն-մրգային կոմպոզիցիաների հավաքածու

Հետաքրքիր բանջարեղեն-մրգային կոմպոզիցիաներ, որոնք կարող են պատրաստել նաև երեխաները։ 




Զգուշության դասեր Բվեճ մորաքրոջ հետ. Սուր իրեր

Սուր ու ծակող իրերը կարող են վնասել երեխաներին։ Դրանք խաղալիք չեն։ Այս մասին է զգուշացնում Բվեճ մորաքույրը։

http://poqrik.am/wp-content/video/sur.webm




Զարգացման կենտրոններ. «Մի՞թե արժե, իսկ միգուցե պետք չէ՞»

295a1ceaf71243749698499d2975Վերջին հինգ տարիների ընթացքում աստիճանաբար ավելանում է մանկական զարգացման կենտրոնների թիվը, որոնք խոստանում են ծնողներին, որ իրենց կենտրոն հաճախելու դեպքում, նրանց երեխաներից «հանճարներ կպատրաստեն»: Ստորև կներկայացվեն մի քանի խորհուրդներ, որոնք կհեշտացնեն ծնողների գործը փոքրիկի համար զարգացման կենտրոն ընտրելիս.

Ո՞ր տարիքից է անհրաժեշտ երեխային տանել զարգացնող կենտրոն.

1232,5 տարեկանից սկսած երեխաներին կարելի է տանել մանկական զարգացնող կենտրոններ: Այս տարիքում անհրաժեշտ է տալ որքան հնարավոր է շատ ինֆորմացիա մեզ շրջապատող երևույթների մասին, թույլ տալ շփվել երեխաների հետ, մանկավարժներից ստանալ տվյալ տարիքին համապատասխան գիտելիքներ: Զարգացման կենտրոններում գործում է համալիր ծրագիր՝ հիմնականում բաղկացած 4 բաժնից.
• երաժշտական ունակությունների զարգացման խմբակ,
• ստեղծագործական ունակությունների բացահայտման խմբակ,
• նախապատրաստում դպրոցին,
• մտավոր ունակությունների զարգացման խմբակներ.
Այս տարիքում զարգացման կենտրոնների մասնագետներն աշխատանքներ են տանում երեխայի խոսքի զարգացման, սոցիալականացման, տարեկիցների հետ շփման հմտությունների ձևավորման ուղղությամբ: Փոքրիկները երեխաների հետ նկարում են, խաղում են ծեփամածիկներով, սովորում են խմբում աշխատելու հմտություններ, ինչպես նաև լինել համբերատար և աշխատասեր:
Փոքր խմբերը (4-5 հոգուց բաղկացած) երեխային հնարավորություն են տալիս կատարել ընդունակությունների վաղ բացահայտում, մանկավարժներն էլ կարողանում են աշխատել յուրաքանչյուր երեխայի հետ անհատապես:

Ինչպե՞ս պետք է ընթանա մասնագետի աշխատանքը

Անհրաժեշտ է ճիշտ բացատրել երեխային, թե ինչպես է պետք «հաղորդակցվել այբուբենի հետ»: Այդ նախապատրաստական աշխատանքները պետք է սկսել նախքան դպրոց գնալը՝ 3-6 տարեկանում:

Այս փուլում անհրաժեշտ է աշխատել լեզվական խնդիրների, հնչյունների արտաբերական խնդիրների շտկման և, իհարկե, ընթերցանության 456ուղղությամբ: Երեխայի և մասնագետի պարտաճանաչ հաճախման, մանկավարժի հանձնարարված նյութի պատշաճ կատարման արդյունքում, 15-20 պարապմունք հաճախելուց հետո երեխան կկարողանա ընթերցել:

Կարևոր հանգամանք է, որ նյութը մատուցվի տվյալ տարիքին համապատասխան առաջատար գործունեությամբ: 3-5 տարեկան երեխաներն ինֆորմացիան հեշտ կընկալեն, եթե մանկավարժը կիրառի խաղային թերապիա (օրինակ՝ երեխաները «ճանապարհորդեն» հեռավոր երկրներ, հանդիպեն օտարերկրացիների և իրենց հետ շփման համար սովորեն տվյալ լեզուն):
Այսպիսով, վերոնշյալ խորհուրդների հետևելով` յուրաքանչյուրս տան մի փոքրիկ անկյունում կարող ենք յուրօրինակ զարգացման կենտրոն ստեղծել մեր երեխաների համար:

Պատրաստեց` Անի Գարամյանը
(197 դպրոցի սոցիալական մանկավարժ և «Այբ Բեն Գիմ»
զարգացման ակումբի սոցիալական մանկավարժ)