Ծաղիկներ գունավոր քառակուսի թղթերից։ Կուսուդամա

Այժմ սովորենք պատրաստել այսպիսի ծաղիկներ.

Անհրաժեշտ է՝
գունավոր թուղթ, սոսինձ, մկրատ, քանոն, հասարակ մատիտ

Մեկ ծաղիկ պատրաստելու համար անհրաժեշտ է 5 կամ 6 գունավոր քառակուսի թղթի կտոր, որոնք ունեն 7սմ երկարություն։ Մեկ քառակուսին ծաղկի մեկ թերթիկ է։

Վերցրեք մեկ քառակուսին.

Անկյունագծով ծալեք հավասար մասերի

Ձախ անկյունը ծալեք դեպի ստացված եռանկյունու գագաթը.

Նույնը կրկնեք աջ անկյան համար.

Ստացված եռանկյուններից մեկի վերին անկյունը կրկին ծալեք դեպի դուրս՝ համատեղելով եռանկյան վերին կողը նրա տակ ընկած կողի հետ.

Նույն գործողությունը կատարեք մյուս եռանկյան հետ.

Այժմ ստացված եռանկյունները անհրաժեշտ է բացել և ծալել ահա այսպես. (տեսանյութում պարզ ցուցադրված է, թե ինչպես է դա արվում)

Նույնը արվում է մյուս եռանկյան համար.

Դեպի ներս ծալեք շեղանկյան վերին անկյունը այնպես, որպեսզի ծալքը համընկնի տակը մնացած թղթի վերին եզրի հետ։

Նույնը կատարեք մյուս շեղանկյան համար՝

Իսկ այժմ ստացված եռանկյունը ծալքի գծի ուղղությամբ դեպի ներս ծալեք.

Նույնը կատարեք մյուս կողմի համար.

Սոսնձեք երկու կեսերը.

և դրանք կպցրեք իրար.

Առաջին ծաղկաթերթիկը պատրաստ է։
Նման ձևով պատրաստեք ևս 4 կամ 5 ծաղկաթերթիկ։
Ծաղկաթերթիկները սոսնձով ամրացրեք իրար։ Ծաղիկը պատրաստ է.

Շատ գեղեցիկ ծաղիկ է ստացվում, երբ ծաղկաթերթիկները գունավոր են լինում։ Ահա այդպիսի ծաղկի օրինակ.

Այսպիսի ծաղիկներ կարելի է պատրաստել ոչ միայն գունավոր, այլ նաև ցանկացած տեսակի թղթից՝ հին ամսագրերից, թերթերից և այլն։

Այսպիսի ծաղիկները սովորաբար օգտագործվում են կուսուդամա կոչվող արվեստում։ Այն հորինել են հին դարերում Ճապոնիայում։ Կուսուդաման իրենից ներկայացնում է գունդ, որը բաղկացած է նույն դետալից, օրինակ ծաղկից։ Մեր պատրաստած ծաղիկը հետևից ունի բրգա-կոնաձև տեսք։ Եթե այսպիսի ծաղիկների հետին գագաթները իրար սոսնձենք, կստանանք կուսուդամա։ Նրա վերին մասում կարելի է թել ամրացնել՝ կախելու համար, իսկ ներքևի հատվածից՝ պոչիկ կախել։ Շատ գեղեցիկ կուսուդամաներ են ստացվում, երբ ծաղիկների կենտրոնում հուլունք է ամրացվում։

Կուսուդամաները պատրաստվում են ոչ միայն ծաղիկներից։

[Not a valid template]