Երբեմն որպես քվիլլինգի գործիք հանդես է գալիս սանրը։ Սանրի վրա քվիլլինգի տեխնիկայով պատրաստենք գեղեցիկ ծաղիկներ։
Անհրաժեշտ է՝ թղթե գունավոր երիզներ 3 մմ լայնությամբ, սանր, սոսինձ։
Թղթե երիզի մի ծայրը դրվում է սանրի կենտրոնական ատամների արանքում.
Ապա մեկական ատամ բաց թողնելով փաթաթում ենք երիզը սանրի վրա։
Հակառակ կողմի վրա կենտրոնական հատվածում անհրաժեշտ է անպայման սոսնձով ամրացնել, որպեսզի պատրաստվածքը չքանդվի։
Սանրի վրայից հանելուց հետո թղթե կիսապատրաստվածքին տալիս ենք արցունքի ձև։ Դրա համար այն կենտրոնական հատվածից ճկում ենք, ապա թղթե երիզով 3-4 անգամ պարուրում։ Վերջում երիզի ծայրը սոսնձում ենք պատրաստվածքին։
Պատրաստվածքին տալիս ենք արցունքի ձև, ապա որպեսզի այն «դատարկ» չլինի, ստացված տերևի կենտրոնական հատվածում տեղադրում ենք քվիլլինգի տրադիրիցիոն մեթոդով սարքված արցունք։
Նման ձևով այլ գույնի թղթերից պատրաստենք ծաղկի թերթիկները.
Ծաղկի կենտրոնը պատրաստվում է ձիգ պարույրից և ծոպքավոր երիզից.
Այս դետալների համադրությունից ստանում ենք ահա այսպիսի գեղեցիկ ծաղիկներ.
