Թուղթ ոլորելու՝ քվիլլինգի հնարքներն ու հիմնական ձևերը
Չափեք և կտրեք անհրաժեշտ երկարության 3մմ լայնությամբ թղթե երիզ։ Նրա մի ծայրը դրեք փաթաթելու գործիքի մեջ և խխունջի նման փաթաթեք։ Որպեսզի պարույրը ձիգ ստացվի, նրա ծայրը սոսնձեք՝ առանց գործիքի վրայից հանելու։
Եթե ցանկանում եք, որ պարույրները թույլ լինեն, ապա «խխունջը» հանեք գործիքի վրայից, հարթ մակերեսի վրա դրեք և թողեք, որ նա բնական եղանակով ազատորեն բացվի, այնուհետև նրա ծայրը սոսնձեք։ Մատներով սեղմելով ազատ պարույրին կարելի է ցանկացած ձև տալ։
Ունելիի օգնությամբ պարուրաձև դետալը բռնելով, պետք է ատամմաքրիչ չոփիկի օգնությամբ այն սոսնձել ու ամրացնել ստվարաթղթին։
Ծոպքավոր երիզ
Ծոպերը երիզի վրա կատարվում են մկրատի օգնությամբ կտրվածքներ անելու միջոցով։
Հիմնականում ծոպքավոր երիզը օգտագործվում է ծաղիկներ պատրաստելիս։ Դրա համար արդեն պատրաստվի ծոպքավոր երիզով ձիգ պարույր է պատրաստվում, որից հետո ծոպքերին անհրաժեշտ տեսք տրվում։
Քվիլլինգի հիմնական դետալները
 | Ձիգ պարույր։ Փաթաթեք երիզը և սոսնձեք ծայրը, առանց գործիքի վրայից հանելու, որպեսզի երիզը չթուլանա։ |
 | Կաթիլ։ Փաթաթեք ազատ պարույր և այն մի կողմից մատներով սղմեք, որպեսզի այն կաթիլի ձև ստանա։ |
 | Ազատ պարույր։ Փաթաթեք երիզը, պարույրը հանեք գործիքի վրայից և մինչև նրա ծայրը սոսնձելը թողեք, որ նա ինքնաբերաբար հետ բացվի։ |
 | Թեքված կաթիլ։ Սարքեք կաթիլ և նրա մի անկյունը թեքեք։ |
 | Սլաք։ Պատրաստեք ազատ պարույր, այն եռանկյան նման երեք անկյուններում մատներով սեղմեք, ապա երկու անկյուններն իրար սեղմեք։ Կստացվի սլաք։ |
 | Կիսաշրջան։ Փաթաթեք ազատ պարույր, երկու անկյուններն այնպես սեղմեք, որպեսզի դետալի մի կողմը ուղիղ լինի, իսկ մյուսը՝ կիսաշրջանի տեսք ունենա։ |
 | Աչք։ Ազատ պարույրի երկու հանիպակաց ծայրերը սեղմելով կստանաք աչքի տեսք։ |
 | Շեղանկյուն։ Պատրաստեք «աչք», ապա մյուս հանդիպակաց անկյունները սեղմելով ստացեք շեղանկյուն։ |
 | Տերև։ Փաթաթեք ազատ պարույր, նրան «աչքի» տեսք հաղորդեք և ծայրերը տարբեր կողմեր թեքեք։ |
 | Եռանկյուն։ Փաթաթեք ազատ պարույր, այն սեղմեք երեք կետերում, որպեսզի ստանաք եռանկյուն։ |
 | Կիսալուսին։ Ազատ պարույրի երկու ծայրերը սեղմեք և դետալը ծռելով կիսալուսին ստացեք։ |
 | Կոն։ Կոնի տեսքով ձիգ պարույր փաթաթեք, երիզի ծայրը սոսնձեք, ապա դետալը հանեք գործիքի վրայից։ |
 | Ծտի թաթ։ Պատրաստում եք ազատ պարույր, ապա եռանկյուն ստանում։ Պարույրի երկու անկյունները դեպի ներս եք ծալում և ուժեղ սեղմում։ |
 | Աստղ։ Նախօրոք պատրաստված ազատ պարույրի իրարից հավասարաչափ հեռավորության վրա գտնվող 5 կետերը սեղմելով դարձնում ենք հինգ անկյուն։ |
Տեսանյութ
Քվիլլինգի հիմնական դետալների պատրաստումը