Պլաստիլինե աքաղաղ

Սովորենք պատրաստել պլաստիլինե աքաղաղ։

Անհրաժեշտ է
Դեղին, կարմիր, նարնջագույն, շագանակագույն և այլ գույների պլաստիլին, ծեփի գործիք

1. Մարմինը
Գունդ ենք պատրաստում, թեթևակի սեղմում ու դեպի կողքեր ձգում։ Գլուխը պատրաստում ենք համեմատաբար փոքր գնդի տեսքով։ Վզիկի միջոցով միացնում ենք մարմինը գլխին, խնամքով հարթեցնելով կպման հատվածը։ Կարմիր պալստիլինից պատրաստում ենք կատարը, կտուցն ու «մորուքը»։

2. Տակդիրը
Տակդիրը պատրաստում ենք գագաթը հատած կոնի տեսքով կամ 2 ամուր ոտիկներից՝ գլանների տեսքով։

3. Պոչը
3-5 գլանակներ ենք պատրաստում տարբեր գույնի պլաստիլիններով, տափակեցնում ու ծայրերում սուր տեսք տալիս։

4. Թևերը
Թևիկները պատրաստում ենք ինչպես հավիկի թևիկները, վերջում նախշազարդում։

Պատրաստ է՝

Եթե մի տակդիրի վրա իրար կողք տեղադրենք աքաղաղին, հավիկին ու մի քանի ճուտիկների, կստանանք աքլորի ընտանիքը։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։