Ծաղկային արևիկ

Այսօր պատրաստելու ենք գեղեցիկ կոմպոզիցիա, որը կանվանենք «Ծաղկային արևիկ»։ Այն կարելի է փակցնել պատին, կամ թելի օգնությամբ կախել որևէ տեղ, որտեղ արևը հաճախ ջերմացնում է իր ճառագայթներով։ Պտտվելով ու արևի ճառագայթներն արտացոլելով, մեր այսօրվա ստեղծագործությունը գարնանային ջերմություն կհաղորդի ձեզ։

Անհրաժեշտ է՝

Հին լազերային սկավառակ (CD), պլաստիլին, ատամի չոփիկ և ծեփի թաթիկ։

1. Ծաղիկներ պատրաստելու համար գնդիկներ պատրաստենք և դրանք տափակեցնենք։

2. Ծաղկի թերթիկներն ամրացնենք սկավառակի վրա։

3. Ծաղկի կենտրոնը զարդարենք այլ գույնի պլաստիլիններով։

4. Ծաղիկների միջև տեղադրենք կանաչ պլաստիլինից պատրաստված ծաղկի թերթիկներ ու պարույրաձև ցողուններ։

5. Աշխատեք, որպեսզի բոլոր ծաղիկներն իրարից տարբերվեն։ Դրա համար կարելի է ատամի չոփիկով տարբեր ծակեր անել ծաղիկների վրա։

6. Որպեսզի ծաղիկների թերթիկները համաչափ լինեն, նախևառաջ պլաստիլինով գլան պատրաստենք, ապա այն կտրատենք համաչափ կտորների։

7. Վարդ ստանալու համար պլաստիլինե գլանը անհրաժեշտ է տափակեցնել, ապա ստացված դետալը պարույրաձև փաթաթել։

8. Ծաղիկը կարելի է զարդարել այսպիսի դեղին պարույրաձև պլաստիլինե թելիկներով։

9. Ծաղիկների և խոշոր տերևների միջև մնացած տարածությունը կարելի է լրացնել պլաստիլինի փոքրիկ գնդիկներով։

Մեր «Ծաղկային արևիկը» պատրաստ է՝

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։