Պլաստիկ շշերից պատրաստված զարդատուփ

Ահա թե ինչպիսի գեղեցիկ զարդատուփ կարելի է պատրաստել հասարակ պլաստիկ շշերից։

Անհրաժեշտ է
Պլաստիկե շշեր, մկրատ, ծակեր անելու գործիք, մետաքսե թելեր, ասեղ

1. Վերցնենք պլաստիկե շիշը և կտրենք նրա կենտրոնական հատվածը, որը համեմատաբար հարթ է ու ելուստներ չունի.

Ստացվում է ահա այսպիսի գլան։

2. Գլանը մաքրենք պիտակներից, այնուհետև մկրատի կամ դանակի պոչի օգնությամբ այն ծալենք, տափակեցնենք։

3. Նման ձևով պատրաստենք 5-7 դետալ (5, եթե փակող մաս չենք պատրաստելու, և 7, եթե մեր զարդատուփը պիտի կափարիչ ունենա).

4. Ծակող գործիքի միջոցով պատրաստվածքների եզրերից մոտ 5մմ հեռավորության վրա համաչափ ծակեր բացել։

5. Այժմ անհրաժեշտ է պատրաստվածքի եզրերը թելերով ամրացնել։ Եթե հեյլունագործություն գիտեք, ապա կարելի է հեյլունի օգնությամբ դա իրականացնել, իսկ եթե ոչ, ապա ասեղի օգնությամբ եզրակարեր կատարելով։

Մինչ դետալի կարելը կարելի է նրա շերտերի արանքում դնել գեղեցիկ նկարներ, լուսանկարներ, բացիկներ և այլն։
6. Բոլոր դետալների վրա եզրակարեր անելուց հետո դրանք անհրաժեշտ է միմյանց միացնել՝ էլի ասեղի ու թելի օգնությամբ։

7. 5 դետալ իրար միացնելուց հետո կստանանք բաց արկղ։ Այն կարելի է օգտագործել օրինակ, որպես թղթապանակ։

8. Կափարիչով զարդատուփի համար պետք է վերցնել առանց եզրակարերի դետալ, այն մոտ 2սմ լայնությամբ բաժանալ 4 հատվածի՝ զարդատուփի չափերին համապատասխան։ Այնուհետև դրանք ևս ծակում ենք ու եզրակարում։

9. Ստացված բարակ դետալներն ամրացնում ենք 6-րդ ազատ մեծ դետալին՝

10. Կափարիչը պատրաստ է։ Դրա մի կողմը կարելու միջոցով ամրացնենք պատրաստի զարդատուփին։

11. Պատրաստի զարդատուփը կարելի է գունազարդել ակրիլային ներկերով, գործված ծաղիկներով և այլն.

Զարդատուփի ոճը պահպանելու համար այն կարելի է նաև զարդարել պլաստիկ շշերից պատրաստած ծաղիկներով՝