Մոդուլային օրիգամի «Ձկնիկ»

Ձկնիկ մոդուլային օրիգամին բաղկացած է 159 եռանկյուն մոդուլներից՝ 2 կարմիր, 9 կապույտ, 31 նարնջագույն, 47 սև և 70 դեղին։ Ձկնիկը բավական վառ ու գունավոր երանգավորում ունի։ Գույների բազմազանությունը կարող եք ընտրել ինքներդ։

1. Վերցնենք 2 կարմիր մոդուլ (ձկնիկի բերանը) և դրանց վրա հագցնենք 3 դեղին մոդուլ այնպես, որ 2 ծայրերի մոդուլները մեջտեղում ունենան դատարկ գրպանիկ.

2. Հաջորդ շարքում ավելացնենք ևս մեկ դեղին մոդուլ.

3. 4-րդ շարքում 5 մոդուլ կա՝ մեջտեղում 1 սև մոդուլ (ձկնիկի աչքը)

4. Ձկնիկի գլուխն ավարտվում է հաջորդ շարքում՝ 6 դեղին մոդուլներով։

5. Ձկնիկի մարմինը սկսում ենք պատրաստել 2 շարքով, որոնց համար կօգտագործվեն 7 և 8 սև մոդուլներ.

6. Այժմ 2 շարք դեղին գույնի մոդուլներ ենք ավելացնում՝ համապատասխանաբար 9 և 10 մոդուլ։

7. Կրկնում ենք սև գիծը 2 շարքով՝ 11 և 12 սև մոդուլներով։

8. Ապա կրկին դեղին շերտը 2 շարքով՝ 13 և 14 դեղին մոդուլներով։

9. Հաջորդ շարքում ծայրերում ավելացնում ենք 2-ական դեղին մոդուլ և կենտրոնում՝ 3 մոդուլ

10. Սկսում ենք հավաքել ձկնիկի պոչը։ Վերցնենք 4 սև մոդուլ և ամրացնենք վերջին շարքում կենտրոնում ավելացված 3 դեղին մոդուլներին։

11. Այնուհետ հետևյալ հաջորդականությամբ ավելացնում ենք՝ 5 կապույտ, 6 նարնջագույն և 7 նարնջագույն մոդուլներ

12. Հաջորդ շարքում պոչի ծայրերում ավելացնում ենք 1 նարնջագույն մոդուլ, ապա հաջորդ շարքում ևս 1-ական նարնջագույն մոդուլ։ Պոչը պատրաստ է։

13. Այժմ հերթը վերին լողակինն է։ Դրա համար ծայրում ավելացված դեղին 2 մոդուլների վրա հետևյալ հերթականությամբ ավելացնում ենք 2 սև, 2 կապույտ, 3 շարք 2 նարնջագույն և վերջում 1 նարնջագույն մոդուլներ։ Լողակը պատրաստ է։ Նման ձևով հավաքվում է նաև ներքևի լողակը.

Ձկնիկը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։