Այսպիսի մեծ ծավալուն փաթիլները ամանորյա գեղեցիկ զարդարանք կդառնան պատերի և պատուհանների համար.
Անհրաժեշտ է
Սպիտակ թուղթ, հասարակ մատիտ, քանոն, մկրատ, ստեպլեր կամ սոսինձ
Քայլ 1. Անհրաժեշտ է 6 համաչափ քառակուսի սպիտակ թուղթ։ Քառակուսու կողմը 15-25 սմ։ Կարելի է վերցնել ցանկացած որակի թուղթ, սակայն բարակ թղթից փաթիլներն արագ կորցնում են իրենց ձևը։
Փաթիլի ճառագայթի պատրաստումը
Քայլ 2. Վերցնենք թղթերից մեկը և այն անկյունագծով ծալենք։
Այժմ թուղթը դնենք ինչպես ցույց է տրված նկարում։ Թղթի գագաթից հիմքին տանում ենք XO ուղղահայացը։ Այն եռանկյունու հիմքը կբաժանի երկու հավասար մասերի։ Այժմ ուղղահայացը քանոնով բաժանենք երկու մասի (կետ A), ապա ստացված հատվածները ևս բաժանենք հավասար մասերի՝ (B և C կետերի միջոցով)։ Այսպիսով, XO ուղղահայացը բաժանվեց 4 հավասար մասերի
Անհրաժեշտ է հավասար հատվածների բաժանել նաև եռանկյան հիմքը։ O կետից աջ և ձախ երկու հատվածները բաժանում ենք 4 հավասար մասի։
Այժմ ստարված կետերը ուղիղ գծով միացնենք իրար, ինչպես ցույց է տրված նկարում։ Յուրաքանչյուր կողմից կստացվեն իրար զուգահեռ երեք հատվածներ։
Քայլ 3. Մկրատով կտրվածքներ ենք անում BB1, AA1, CC1BB2, AA2, CC2 հատվածներով, սակայն դրանք չհասցնելով A, B C կետերին, այլ յուրաքանչյուր կողմից մոտավորապես 5մմ հատված թողելով։
Քայլ 4. Ուղղում ենք թուղթը՝
Քայլ 5. Զգուշորեն վերցնում ենք ներքին հատվածի անկյունները (ամենափոքր քառակուսու) և դրանք իրար միացնում ստեպլերի կամ սոսնձի օգնությամբ։
Քայլ 6. Թուղթը շուռ ենք տալիս մյուս կողմ և մյուս քառակուսու անկյուններն ենք հակառակ կողմից իրար կցում։
Քայլ 7. Նույն գործողությունները անում ենք մնացած երկու ծայրերի հետ (շուռ տալ և ամրացնել)։ Արդյունքում ստացվում է փաթիլի այսպիսի ճառագայթ (տեսքը կողքից).
Քայլ 8. Պատրաստում ենք փաթիլի ճիշտ այսպիսի ևս 5 ճառագայթներ։
Փաթիլի հավաքումը
Քայլ 9. Վերցնում ենք փաթիլի 3 ճառագայթ և դրանք ստեպլերի օգնությամբ ամրացնում կենտրոնում։
Քայլ 10. Նույնը կատարում ենք մնացած 3 ճառագայթների հետ։
Քայլ 11. Այժմ ստեպլերով միացնում ենք փաթիլի 2 կտորները.
Քայլ 12. Փաթիլի ճառագայթների հպման կետերը ևս պետք է ամրացնել ստեպլերով, որպեսզի փաթիլն իր ձևը չկորցնի.
Մնում է փաթիլին ամրացնել թել և նրանով զարդարել տունը։
