Օրիգամի Ձմեռ Պապիկ

Օրիգամի տեխնոլոգիայով պատրաստենք Ձմեռ Պապիկ։

1. Վերցնում ենք միակողմանի A4  չափսի գունավոր թուղթ՝ կարմիր կամ կապույտ գույնի։ Կտրում ենք դրա եզրը՝ մոտ 7մմ լայնությամբ, ապա այդ երիզից էլ կտրում 2 քառակուսի։ 

Ձմեռ պապիկի հագուստը պատրաստելու համար վերցնում ենք մեծ թուղթը, ապա ծալում նրա մի եզրը՝ սպիտակ կողմը դեպի դուրս.

Նման կերպ ծալում ենք նաև մյուս եզրը.

Թուղթը մեջտեղից ծալում ենք այնպես, որ ծալված եզրերը էլի ծալվեն.

Բացում ենք ծալքը.

Թղթի ծալքի մի հատվածը մեկ անգամ ևս ծալում ենք՝ եզրը բերելով դեպի ծալքի գիծ.

Նույնը կրկնում ենք մյուս կողմի համար.

Պատրաստվածքը շուռ ենք տալիս.

Ապա կրկին մի կողմը ծալում դեպի կենտրոնական ծալք.

Ծալում ենք մյուս կողմը ևս.

Մի ձեռքի ցուցամատի և բութ մատի օգնությամբ նշելով կենտրոնը, մի կողմը մեջտեղից եռանկյունաձև ծալում ենք դեպի դուրս.

Նույնը կրկնում ենք նաև մյուս կողմի համար.

Ստացված դետալը առանց շուռ տալու ծալում ենք այնպես, որ ծալքով հատվածը մյուս հատվածից համեմատաբար փոքր լինի.

Ստացված հագուստի ուսերը անկյուններից մի փոքր ծալում ենք դեպի ներս.

Ձմեռ Պապիկի հագուստը պատրաստ է։ Այն դնում ենք մի կողմ և սկսում պատրաստել գլուխը։

Մորուքի համար վերցնում ենք փոքր քառակուսիներից մեկը և այն շուռ տալիս սպիտակ կողմով դեպի մեզ.

Ծալում ենք անկյունագծով.

Բացում ենք ծալքը.

Ծալքի գծից վերև և ներքև ընկած եռանկյունները ծալում ենք դեպի ծալքի գիծն այնպես, որ եռանկյունների մի կողմն ու ծալքի գիծը համընկնեն.

Դետալը շուռ ենք տալիս և դնում մի կողմ.

Գլխարկը պատրաստելու համար վերցնում ենք մյուս քառակուսի կտորը, դնում գունավոր կողմը դեպի մեզ և կատարում մորուքի համար կատարված գործողությունները.

Ձախակողմյան ազատ մնացած անկյունը ծալում ենք դեպի աջ կողմ.

Ստացված ծալքերը բացում ենք, ապա թուղթը շուռ տալիս գունավոր կողմով դեպի մեզ.

Այժմ ներքևի անկյունը սկսում ենք ծալել դեպի վեր։ Պետք է ծալել 3 անգամ։ Առաջին անգամ ծալում ենք մինչև ծալքի գիծը, ապա ստացված բարձրությանը համապատասխան երկու անգամ ևս.

Դետալը նորից ծալում ենք ծալված գծերով.

Այժմ վերցնում ենք մորուքի դետալը և այն հագցնում գլխարկի դետալի մեջ.

Որպեսզի ամուր լինի, կարելի է մի կաթիլ սոսնձով ամրացնել.

Հագուստի վերին հատվածում մի կաթիլ սոսինձ ենք կաթացնում, և մորուքը ամրացնում ենք հագուստի վրա.

Կտրատում ենք կոճակներ և սոսնձում հագուստի բացվածքի վրա.

Նկարում ենք դեմքը.

Ձմեռ պապիկը պատրաստ է.

Տեսադաս.