Օրիգամի-էջանշան «Մատիտ»

Օրիգամի տեխնոլոգիայով պատրաստենք էջանշան «Մատիտ»։

Անհրաժեշտ են՝ միակողմանի գունավոր թուղթ, մատիտ, քանոն։

Գունավոր թղթից կտրում ենք 85մմ լայնությամբ և 210մմ երկարությամբ կտոր.

Թուղթը շուռ ենք տալիս.

Երկարությամբ այն ծալում ենք 2 հավասար մասի, ապա ծալքը բացում.

Թղթի մի եզրը մոտ 0.7սմ լայնությամբ ծալում ենք դեպի ներս, ապա թուղթը շուռ տալիս հակառակ կողմ.

Թղթի ծալք ունեցող եզրը անկյունաձև ծալում ենք դեպի կենտրոնական գիծը.

Այնուհետև նույն անկյունները մի անգամ ևս էլի ծալում ենք.

Պատրաստվածքը շուռ ենք տալիս մյուս կողմ.

Քառակուսի եզրը ծալում ենք դեպի վեր այնպես, որ մատիտի ծայրը մնա մոտ 3սմ երկարությամբ.

Շուռ ենք տալիս մյուս կողմ.

Ապա եզրերը հերթով ծալում դեպի կենտրոն.

Էջանշանը պատրաստ է.

Օրիգամիի սխեման.