Փոքրիկ աճպարար

Ամենայն հավանականությամբ դու արդեն տեսե՞լ ես, թե ինչպես դատարկ գլանից մեկը մյուսի հետևից դուրս են հանում գույնզգույն թաշկինակներ։ Ուզո՞ւմ ես սովորել դրա գաղտնիքը ու ինքդ դառնալ աճպարար։

Հետևելով նկարների հերթականությանը պատրաստիր կախարդական գլանը և զարմացրու ընկերներիդ.

1. Կտրիր ամանի հեղուկի (անթափանց, կլոր) տարայի վերին և ներքին հատվածները այնպես, որ նա նմանվի խողովակի։

2. Մկրատի օգնությամբ կտրի միանգամյա օգտագործման պլաստիկ բաժակի հատակը՝ մոտ 5մմ բարձրությամբ։

3. Բաժակը կտրված հատվածով դեպի վեր տեղադրիր գլանի մեջ այնպես, որ բաժակի և գլանի եզրերը համաչափ լինեն։ Եթե բաժակը երկար լինի, ապա այն կտրի՝ հավասարեցնելով գլանի եզրին։

4. Գլանիի ու բաժակի ներսի հատվածը ներկիր սև գույնով և թող, որ չորանա այն։

5. Բաժակի լայն հատվածը դրսի կողմից սոսնձիր և սեղմելով տեղադրի գլանիի մեջ, որպեսզի լավ կպչի։

6. Այժմ կարող ես կախարդական գլանը նախշազարդել գունավոր թղթերով կամ ներկերով։

Ներկայացումը.

«Ինչպես տեսնում եք, գլանը լրիվ դատարկ է։ Համոզվեցի՞ք։ Այժմ ես կարտասանեմ կախարդական բառերը և… հրա՜շք, գլանից դուրս կգան երկու, չէ, երեք գեղեցիկ թաշկինակ…»
Նախ և առաջ իրար կապի մետաքսե գունավոր թաշկինակները։ Դրանք փաթաթի գլանի և բաժակի արանքում այնպես, որ մյուս կողմից և դրսից չերևան։

1. Մինչ ներկայացումը սկսելը և հանդիսատեսին “դատարկ” գլանը ցուցադրելը, թաշկինակի ծայրը դուրս հանիր և պահիր այն բութ մատի տակ։

2. Ցույց տուր “դատարկ” գլանը հանդիստեսին՝ բռնելով գլանի գաղտնի հատվածից։

3. Կախարդական փայտիկը շարժելով կամ թաշկինակով փակելով գլանը կախարդական խոսքեր ասա։

4. Ու գլանը բռնելով մյուս ձեռքով՝ անակնկալ կերպով գլանից հանի թաշկինակները։

Խորհուրդ՝ մինչև աճպարարությունը հանդիսատեսին ցուցադրելը համոզվիր, որ դիտողները չեն տեսնում գլանի վերին՝ գաղտնի հատվածը։