Փոկ պլաստիլինից

Փոկերը կաթնասուն կենդանիներ են, ապրում են սառույցների մեջ մեծ ընտանիքներով։ Իսկական փոկերն ականջի խեցիներ չունեն, նրանց հետևի լողակներն օգնում է ջրի մեջ աջ կամ ձախ թեքվելուն, իսկ դիմացինը՝ առաջ շարժվելուն։

Անհրաժեշտ է
Սև, սպիտակ, կանաչ և նարնջագույն պլաստիլիններ, հարթ փայտիկներ, պլաստիլինի դանակ, ձիգ թել (ձկան թել), մկրատ

1. Սև պլաստիլինից գլան պատրատիր, որի մի ծայրը՝ գլուխը սրված է, իսկ մյուս ծայրը՝ պոչը, ունի 2 ճյուղ։

2. 2 սպիտակ և 2 սև գնդերից աչքեր պատրաստի և ամրացրու գլխի վրա։ Մարմնին փոկի ձև հաղորդիր։

3. Լողակների համար պատրաստիր տափակ «լավաշիկներ», դրանց մի ծայրերը սրացրու։ Լողակներն ամրացրու փոկի մեջքին։

4. Նարնջագույն պլաստիլինից գունդ պատրաստիր և դրա վրա կպցրու կանաչ կետիկներ։ Կստանաս գնդակը։

5. Ամուր թելից կտորներ կտրատիր և դրանք մտցրու փոկի մռութի մեջ այնպես, որ ստանաս բեղիկներ։ Ապա մռութի մեջ մտցրու փոքրիկ փայտիկ (ատամմաքրիչ չոփիկ), և դրա վրա հագցրու գնդակը։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։