Փաթիլ քվիլլինգ տեխնոլոգիայով

Քվիլլինգ տեխնոլոգիայով կարելի է պատրաստել բազմաթիվ յուրահատուկ փաթիլներ։ Ահա նմանատիպ մի փաթիլի պատրաստման եղանակ կգտնեք այս հոդվածում։ 

Անհրաժեշտ են՝

սպիտակ գրասենյակային թղթի 2-3մմ լայնությամբ երիզներ, սոսինձ, ցանկության դեպքում սպիտակաձավար և փայլուն ներկանյութ (գլիտտեր կամ եղունգի լաք)։

1. Վերցնում ենք երիզները և նրանցից պատրաստում ձիգ պարույրներ։ Առանց ծայրը ֆիքսելու, թողնում ենք, որ ինքն իրեն բացվի.

Բացված պարույրների ծայրերը սոսնձի օգնությամբ առանց ձգելու ամրացնում ենք։

2. Ստացված թույլ պարույրներից պատրաստում ենք քվիլլինգի հիմնական տարրերից և չխախտելով համաչափությունը, սոսնձի օգնությամբ սկսում ենք ձևավորել փաթիլը.

Վերջնականապես պատրաստ լինելու համար և պատրաստվածքին ամրություն հաղորդելու համար վրձնի օգնությամբ ամբողջ մակերեսը պատում ենք սոսնձի բարակ շերտով և թողնում՝ չորանա։

Փաթիլը կարելի է օգտագործել այսպես, բայց կարելի է նրան ավելի ճոխ տեսք հաղորդել։

3. Վերցնում ենք սպիտակաձավար, այն լցնում տափակ ափսեի մեջ, և չթողելով պատրաստվածքի վրայի սոսինձը չորանա, պատրաստվածքը թաթախում ենք սպիտակաձավարի մեջ.

4. Երկու կողմից սպիտակաձավարով պատելուց հետո պատրաստվածքի չորանալուց անմջապես հետո ավելորդ հատիկները վրայից թափ ենք տալիս, ապա այն ներկում փայլփլուն գլիտտերով կամ եղունգի լաքով.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։