Տոնածառ շղարշից

Միասին պատրաստենք նուրբ ու շքեղ տոնածառ շղարշից։

Անհրաժեշտ են. շղարշ (tulle), շշի կափարիչ, երկար փայտիկ, մկրատ, թել-ասեղ, կանաչ ժապավեն, գունավոր ժապավեն, հուլունքներ և սիլիկոնե սոսնձի ատրճանակ։

Շղարշից կտրում ենք տարբեր լայնության և մոտ 1մ երկարության երիզներ.

Զգուշորեն ծակում ենք շշի կափարիչը և մեջը խրում փայտե ձողիկը (կամ ձողիկները, եթե անցքը մեծ է ստացել և փայտե ձողիկն ամուր կանգնած չէ.

Որպեսզի փայտի գույնը չերևա, այն փաթաթում ենք կանաչ երիզով.

Այժմ վերցնում ենք շղարշի ամենալայն երիզը և նրա մի ծայրը կարում (բլանդում)։

Վերջում թելը ձգում և կապում ենք։ Ստանում ենք «կիսաշրջազգեստ».

Այդպես բոլոր երիզներից պատրաստում ենք «կիսաշրջազգեստներ» և դրանք հագցնում փայտիկի վրա.

Եղևնու գագաթին կարմիր ժապավենակապ ենք ամրացնում.

Սիլիկոնե սոսնձի օգնությամբ հուլունքներ ամրացնելով եղևնու վրա, ստանում ենք գեղեցիկ տոնածառ՝

Նմանատիպ տոնածառ կարելի է պատրաստել նաև սպիտակ  և այլ գույների շղարշից։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։