Տոնածառի խաղալիք «Ձնեմարդ» պապյե-մաշե տեխնոլոգիայով

Պապյե-մաշե տեխնոլոգիայով պատրաստենք տոնածառի խաղալիք՝ ձնեմարդ։

Անհրաժեշտ են՝ սպիտակ թուղթ, էմուլսիա սոսինձ, կլոր գլխով լամպ, կարմիր կտոր, մկրատ, թել-ասեղ, հաստ թել, ներկեր, վրձին։ 

1. Վերցրեք կլոր գլխով լամպ։ Այն պատեք 1։1 հարաբերությամբ ջրի և էմուլսիայի խառնուրդի մեջ թրջված թղթերի երիզներով։

2. Երբ թուղթը լիովին չորանա, ամբողջ մակերեսը սպիտակ ներկով ներկեք և թողեք չորանա։

3. Չորացած պատրաստվածքի վրա բարակ վրձնի օնությամբ նկարեք աչքերը, բերանը, կոճակները.

4. Կարմիր կտորից կտրեք երկու բարակ երիզներ՝ ձնեմարդու օձիքի և գլխարկի համար։

5. Մի երիզը փաթաթեք ձնեմարդու վզին ու կապեք ինչպես օձիք։

6. Երկրորդ երիզը փաթաթեք գլխի շուրջը, որպեսզի իմանաք գլխի տրամագիծը։ Կտրեք անհրաժեշտ երկարության երիզը և ծայրերը կարելով ստացեք գլխարկ։ Այն հագցրեք ձնեմարդու գլխին։

7. Հաստ թելն ամրացրեք ձնեմարդու գլխին։ Տոնածառի խաղալիքը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։