Տոնածառի խաղալիք թղթից

Թղթից պատրաստենք գեղեցիկ գունդ՝ տոնածառի խաղալիք։ 

Անհրաժեշտ են. թուղթ (ցանկալի է ստվարաթուղթ), կարկին, մկրատ, սոսինձ, ստեպլեր, թել և ասեղ, խաղալիքը զարդարելու համար փայլեր։

1. Կարկինի օգնությամբ շրջան ենք գծում թղթերից մեկի վրա, ապա թղթերն իրար վրա դնելով շրջանագծով համաչափ կլորներ ենք կտրում։

2. Թղթե շրջանները մեջտեղից ծալում ենք, ապա այդ ծալքի գծի վրայով կամ թել ու ասեղով կարում, կամ ստեպլերի օգնությամբ ամրացնում.

3. Այժմ սոսնձի օգնությամբ  կենտրոնում հերթով իրար ենք ամրացնում երկուական կիսաշրջաններ.

4. Ստացված թերթիկներն էլ իրար ենք միացնում 2 կետով.

5. Ստանում ենք ահա այսպիսի գունդ.

6. Գունդը զարդարելու համար վրձնի օգնությամբ սոսինձ ենք քսում բացված հատվածներին և վրան լցնում փայլուն փոշին.

Բոլոր թերթիկների վրա փոշին լցնելուց հետո թողնում ենք պատրաստվածքը չորանա, ապա թել ամրացնում գնդի վերին հատվածում։ Տոնածառի խաղալիքը պատրաստ է.

Հ.Գ. Մեր խաղալիքը սովորական գրասենյակային թղթից է պատրաստված։ Ստվարաթղթի դեպքում այն ավելի ամուր և գեղեցիկ կլինի։ Որպես թուղթ կարելի է օգտագործել նաև լրագրի, ամսագրի տպագրված թղթերը, նոտաների տետրը և այլն։ 

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։