Կակաչներ կինդեր-ձվիկներից

Կինդեր-սյուրպրիզներ սիրում են բոլոր երեխաները։ Դրանց ձվիկներով կարելի է բավական հետաքրքիր բաներ պատրաստել։ Այսօր կպատրաստենք կակաչների գեղեցիկ փունջ.

Անհրաժեշտ են՝

Տարբեր գույների կինդեր-սյուրպրիզների ձվիկներ, հյութ խմելու կանաչ ձողիկներ, մկրատ

Վերցնենք կինդեր-սյուրպրիզների մի քանի ձվիկ (3-4 հատը բավական է, բայց ցանկալի է, որ տարբեր գույների լինեն)։ Դրանք բաժանենք մասերի։

Եթե ձվիկի վերին ու ներքին մասերն առանձին չեն, ապա դրանք միացնող հատվածը պարզապես պետք է կտրել։ Ու չնայած, որ կափարիչը փոքր-ինչ փոքր կլինի, քան ձվիկի հիմնական հատվածը, բայց երկու հատվածն էլ մենք կօգտագործենք։

Մկրատով ձվիկի յուրաքանչյուր կտորի վրա զիգզագներ կտրատենք։ Թղթի համար նախատեսված մկրատները նուրբ են, կկոտրվեն։ Դրա համար պետք է վերցնել կենցաղային, ամուր մկրատ։

Յուրաքանչյուր ծաղկի կենտրոնում ծակեր անենք, դրանց մեջ դնենք կանաչ ձողիկները։ Եթե կանաչ ձողիկ չկա, ապա կարելի է մետաղալար օգտագործել։

Մի քանի ծաղիկներից բաղկացած փունջը տեղավորենք չափերին համապատասխան ծաղկամանի մեջ (դա կարող է լինել օրինակ փոքրիկ ապակե տարա, կամ յոգուրտի տուփ)։ Նկարում որպես ծաղկաման ծառայել է աղամանը։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։