Սառնարանի մագնիս

Կիրառելով քվիլլինգ տեխնոլոգիան, այսօր կպատրաստենք սառնարանի մագնիս։

Անհրաժեշտ է քվիլլինգի երիզներ՝ 0.5սմ լայնությամբ, սոսինձ (ցանկալի է էմուլսիա), ատամմաքրիչ չոփիկ, ունելի և մագնիս։

1. Իրար ենք սոսնձում կարմիր և կանաչ երիզներ (նմանատիպ 2 երիզ պետք է ունենաք), որոնք կդառնան մեր թիթեռի մեծ թևերը։ Փոքր թևերի համար ևս իրար ենք կպցնում կարմիր և կանաչ երիզներ, սակայն այս դեպքում կպցվող ամբողջական երիզները պետք է կիսել 2 մասի։ Շագանակագույն կարճ երիզներից ազատ պարույրներ ենք պատրաստում տարբեր չափսերի։ Ամենափոքր պարույրը կլինի մեր թիթեռի գլուխը ։ Մյուս 2 պարույրները ատամմաքրիչ չոփիկի օգնությամբ կոնական տեսքի ենք բերում և ներսի կողմից զգուշությամբ լավ սոսնձում։ Շագանակագույն երիզից պատրաստում ենք թիթեռի բեղիկները։

2. Պատրաստի դետալներից հավաքում ենք թիթեռի մարմինը՝ ինչպես ցույց է տրված նկարում։ Բեղիկները պտտեցնում ենք ատամմաքրիչ չոփիկի օգնությամբ։

3. Իրար սոսնձված կարմիր ու կանաչ երիզներից ազատ պարույրներ ենք փաթաթում, թողնում որ այն ինքնաբերաբար բացվի և եզրերը սոսնձով ամրացնում ենք։ Մատների օգնությամբ դետալները սեղմում ենք՝ տալով դրան թևերի տեսք։ Փոքր դեղին երիզներից պատրաստում ենք պարույրներ ու ձգված տերևիկներ։ Ունելիի և սոսնձի օգնությամբ զգուշությամբ դրանք սոսնձում ենք թևերի արանքներում։

4. Թիթեռի մարմինը սոսնձի օգնությամբ ամրացնում ենք մագնիսին։ Թողում ենք կիսապատրաստվածքը լավ չորանա։

5. Զույգերով իրար են սոսնձում թիթեռի մեծ ու փոքր թևերը։ Պատրաստի թևերը ամրացնում ենք մարմնին։ Թողում ենք մագնիսը լավ չորանա և այն ամրացնում սառնարանի վրա։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։