Սովորենք պատրաստել պինյատա և ուրախ դարձնել մեր երեխաների տոնը.
Պինյատա պատրաստելու համար անհրաժեշտ է ՝
բարակ կրեպ-թղթի գունավոր երիզներ
թերթի երիզներ
7-8 հաստ ստվարաթուղթ
ամուր փուչիկ
Էմուլսիա սոսինձ
ալյուր
ջուր
սոսնձող երիզ (սկոչտ)
մկրատ
դանակ
հաստ թել
1. Պատրաստենք պապյե-մաշեի հիմքը՝ փչենք փուչիկը, սկոտչով բոլոր դուրս պրծած մասերը ամրացնենք
փուչիկին՝ դարձնելով այն հարթ։
2. 3բ. ալյուրը և 3բ. ջուրը լավ խառնենք։ Պետք է ստացվի բավական խիտ զանգված։ (Եթե փուչիկը փոքր է, ապա
անհրաժեշտ կլինի ավելի քիչ ալյուր ու ջուր, սակայն պետք է հիշել որ ջրի և ալյուրը քանակները հավասար պետք
է լինեն)։
3. Թրջենք թերթի երիզները ստացված զանգվածում և դրանք փակցնենք փուչիկի վրա՝ նախօրոք հեռացնելով
ավելորդ զանգվածը։
4. Փուչիկը կախենք բարձր տեղից և շարունակենք վրան փակցնել թերթի երիզներ։ Թողնենք առաջին շերտը չորանա, ապա վրան ավելացնենք 2-րդ և 3-րդ շերտերը։ Թողնենք մի քանի ժամ փուչիկը լրիվ չորանա։
5. Քանի դեռ փուչիկը չորանում է, սկսենք կոների պատրաստումը։
6. Ստվարաթղթի վրա նկարենք կոն, ապա այն կտրենք ու եզրերն իրար միացնենք սկոտչի օգնությամբ։
7. Չորացած փուչիկի վրա փոքրիկ անցք բացենք և օդը բաց թողենք.
8. Մկրատի օգնությամբ փուչիկից կտրենք կոնի հիմքից մի քիչ փոքր շրջան։ Դրա միջից հանենք փուչիկի մնացորդները։
9. Դանակի օգնությամբ բացված անցքի հակառակ կողմից անենք մի փոքր ծակ, որի մեջ մտցնենք թելը և քարկապ անենք։
10. Պինյատկայի մեջ լցնենք քաղցրեղեն, մանր խաղալիքներ, ապա բացված անցքը փակենք և սկոտչով ամրացնենք։
11. Կոները սոսնձով ամրացնենք պինյատկայի գնդին, ապա սկոտչով փաթաթենք, ավելի ամուր լինելու համար։
12. Ավելացնենք այնքան կոն, որքան կցանկանանք.
13. Վերցնենք կրեպ-թղթի երիզները և դրանցից պատրաստենք ծոպքավոր երիզներ։ Դա հեշտ կստացվի,եթե այն պատրաստենք թուղթը մի քանի շերտ ծալած վիճակում։ Սոսնձի բարակ շերտը քսենք կրեպ-թղթի երիզի վրա.
14. Ծոպքավոր երիզը փաթաթենք պինյատայի հիմքին այնպես, որ ծոպքերը դեպի ներքև ուղղված լինեն։ Յուրաքանչյուր շերտը ծածկենք հաջորդ երիզը սոսնձելու միջոցով։
15. Շարունակենք զարդարել.
16. Կոները ծածկելու համար օգտագործենք համեմատաբար կարճ կրեպ-թղթերից պատրաստած ծոպքավոր երիզներ.
17. Պինյատան պատրաստ է.
Մնում է այն կախել բարձր տեղից, հավաքվել ընկերներով, կապել աչքերն ու փայտե ձողով կոտրել այն։
Ուրախ ժամանց։
