Պապյե-մաշեն փուչիկի վրա

Անհրաժեշտ է՝
հին թերթեր, փուչիկ, էմուլսիա սոսինձ, սոսնձի վրձին, գունավոր թղթեր,ստվարաթուղթ, հասարակ մատիտ, ֆլոմաստերներ, մկրատ և այլն։

1. Հին թերթը մանր կտորների բաժանեք և թրջեք ջրով։

2. Փչեք փուչիկը և այն յուղոտ քսուքով պատեք (օրինակ ձեռքի կրեմ)։

3. Փուչիկի ամբողջ մակերեսը առանց արանք թողելու պատեք թղթի թաց կտորներով (առանց սոսնձի)

4. Ամբողջ մակերեսը պատելուց հետո փուչիկի վրա սոսինձ քսեք և երկրորդ շերտ թաց թուղթը շարեք։ Կրկնեք այն 3-4 անգամ։

5. Փուչիկը լավ չորացրեք։

Չորանալուց հետո փուչիկի վրա քսեք նախօրոք պատաստված նախաներկը՝ գուաշի կամ ատամ մաքրող փոշու և սոսնձի խառնուրդը.
6. Ստացված պատրաստվածքը զարդարեք նկարներով, ապլիկացիաներով և այլն։

Տարբեր ձևի փուչիկների վրա կիրառելով այս տեխնիկան, կարելի է ստանալ ուղղաթիռ, ինքնաթիռ, դիմակներ, խաղալիքներ և այլն։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։