Նավեր պենոպլաստից

Մոտենում է ամառը և «ջրային» ժամանակաշրջանը։ Երեխաների համար հետաքրքիր զբաղմունք է նավակներով խաղալը։ Պենոպլաստի օգնությամբ պատրաստենք փոքրիկ նավեր.

Շոգենավ (նավ, որի շարժումն իրականանում է գոլորշու ուժի շնորհիվ)

1. Պենոպլաստից կտրեք 2 տարբեր չափսերի ուղղանկյուններ։ Մեծ ուղղանկյան լայնությունը պիտի այնքան լինի, որ վրան տեղավորվի երկու յոգուրտի շիշ։

2. Մեծ ուղղանկյան մի կողմին եռանկյուն տեսք հաղորդեք (շոգենավի դիմացի հատվածը), իսկ մյուս կողմից յոգուրտի շշերի տրամագծով երկու շրջան փորեք, որոնց վրա կլինեն շոգեքարշի շոգու խողովակները։

3. Յոգուրտի շշերը սոսնձեք պենոպլաստին։
Փոքր ուղղանկյանը մի կողմից կլորավուն տեսք հաղորդեք և սոսնձեք խողովակների մոտ։ Թղթի երիզը սոսնձի օգնությամբ ամրացրու շոգեքարշի վերին հատվածին՝ վերևի ուղղանկյունին և խողովակներին։ Ներկերի օգնությամբ վերջնական տեսքի բեր նավի իրանը։

4. Խողովակների հատման հատվածում մատիտ մտցրու, որը կլինի դրոշակի փայտը։ Մատիտի ծայրին թել կապի և այն կոճգամների օգնությամբ ամրացրու շոգեքարշի դիմային և ետին հատվածներում։ Մատիտի ծայրին գունավոր երիզներ ամրացրու՝ որպես դրոշակ։

Շոգենավը պատրաստ է.

Կատամարան – նավ է երկու լողաններով, որոնց շնորհիվ այն ջրի վրա ավելի հաստատուն է։ 

1. Պենոպլաստից կտրեք նավիրանի 2 միանման հատված։ Դրանց վրա դրենք պենոպլաստի բարակ շերտ և դրանք ամրացրեք փայտիկներով։

2. Նավիրանի յուրաքանչյուր հատվածի վրա առջևից և հետին մասում ամրացրեք կոճգամներ։ Լաթերից կտրեք եռանկյուն 4 առագաստ՝ 2 մեծ և 2 փոքր։

3. Թելի օգնությամբ առագաստները կապեք առագաստափայտերի ծայրերին, իսկ առագաստների մի ծայրը ամրացրեք կոճգամներին։ Կատամարանը զարդարեք ժապավեններով։

Կատամարանը պատրաստ է.