Նապաստակ ձեռնոցից

Շարունակում ենք պատրաստել տիկնիկներ ձեռնոցների օգնությամբ։ Այսօր պատրաստելու ենք նապաստակ։

Անհրաժեշտ է՝

մատներով ձեռնոց, թել, ասեղ, գունավոր թուղթ, սոսինձ, մկրատ, բամբակ, հուլունք։

1. Ձեռնոցի արտաքին կողմից միջնամատի և մատնեմատի վրա, ինչպես նաև բութ մատի վրա նկարենք կարմիր բերանն ու բեղիկների համար նախատեսված կետեր անենք։ Թղթից պատրաստենք աչքերը և սոսնձի օգնությամբ ամրացնենք միջնամատի և մատնեմատի վրա։

2. Քիթը պատրաստենք մեծ հուլունքի միջոցով, ապա թելերի օգնությամբ պատրաստենք ունքերը։

3. Բրդյա թելերից կարենք բեղերն ու մազափունջը.

4. Ափի կողմից ձեռնոցին սոսնձենք մի փոքր բամբակ։

Հագնենք ձեռնոցը, ծալենք միջնամատն ու մատնեմատը և նրանց սեղմենք բութ մատով։