Մոդուլային օրիգամի «Հորթուկ»

Պատրաստենք մոդուլային օրիգամի «Հորթուկ».

1. Առաջին երեք 3 շարքը հավաքում ենք միաժամանակ՝ յուրաքանչյուր շարքում 30-ական կարմիր մոդուլ։ Օղը փակում ենք և մատների օգնությամբ սեղմելով շուռ տալիս։ Օղի վրա ևս 4 շարք ենք հավաքում՝ յուրաքանչյուրում 30-ական կարմիր մոդուլներ։

2. 8-րդ շարքը հավաքում ենք 30 սև մոդուլներից։

3. 9-ից 12-րդ շարքերը հավաքվում են սպիտակ մոդուլներից, որոնց մեջ տեղադրում ենք 2-3 սև մոդուլներ, որոնք կլինեն մեր հորթուկի խալերը։ Մոդուլների ընդհանուր քանակն այս դեպքում ևս 30 է յուրաքանչյուր շարքի համար։

4. 13-րդ շարքը մարմնի վերջին շարքն է։ Այն պետք է կրճատել 4 մոդուլով։ Դրա համար 4 կետերում 2 հարևան մոդուլները հագցրեք ոչ թե 4 այլ 6 անկյունների վրա։ Մարմինն ավարտելուց հետո դրան կլորավուն տեսք հաղորդեք՝ զգուշությամբ մատներով ներսի կողմից սեղմելով պատրաստվածքը։

5. Գլխի առաջին շարքը բաղկացած է 26 սպիտակ մոդուլներից։ Դրանք հագցրեք մարմնի վերջին շարքին՝ կարճ կողմերով դեպի դուրս։

6. Հավաքեք ևս 8 շարք 26 մոդուլից՝ երկար կողմերը դեպի դուրս հագցնելով։ Մեր հորթուկի գլխին ևս սև խալեր կան, որոնցից յուրաքանչյուրը կազմվում է 9 մոդուլից (3 շարքերի վրա 3-ական մոդուլ)։ Պարզապես չպետք է մոռանալ, որ յուրաքանչյուր շարքն ընդհանուր առմամբ, պիտի ունենա ընդամենը 26 մոդուլ։

7. Երբ գլուխը պատրաստ լինի, նրան գնդաձև տեսք հաղորդեք, ընդ որում, վերևի շարքի մոդուլներն այնպիսի խտությամբ իրար մոտեցնելով, որ հնարավորինս փոքր անց մնա։

8. Յուրաքանչյուր ձեռքի համար պատրաստեք 14 սպիտակ և 2 սև մոդուլ։ 3 մոդուլներն դասավորեք ինչպես ցույց է տրված նկարում։ Աջակողմյան մոդուլը առաջին շարքն է, իսկ ձախ կողմի մոդուլը՝ երկրորդ։ Միացրեք մոդուլներն իրար։

9. Երրորդ շարքը իրականացնելու համար 1 սպիտակ մոդուլ հագցրեք երկրորդ շարքի մոդուլների ներքին անկյուններին։։

10. Չորրորդ շարքում ավելացրեք 2 մոդուլ՝ օգտագործելով բոլոր 4 անկյունները։

11. Այս հերթականությամբ շարունակեք, մինչև 9 շարք դառնալը։

12. 10-րդ շարքում ավելացրեք 2 սև մոդուլներ (կճղակները).

13. Միացման մոդուլի մի թև բացեք, ինչպես ցույց է տրված նկարում.

14. Երկրորդ ձեռքը պատրաստվում է նման ձևով։ Ձեռքը հավաքելուց հետո անհրաժեշտ է փոքր-ինչ այն կորացնել։

15. Հորթուկի ոտքերը հավաքվում են ինչպես ձեռքերը, միայն թե սպիտակ մոդուլների փոխարեն այստեղ օգտագործվում են կարմիր մոդուլներ։

16. Այս դետալների վերջին մոդուլները ևս միացման համար են։ Դրանց թևիները ևս դեպի դուրս ենք հանում։

17. Ոտքերի դեպքում միացման մոդուլները դուրս պրծած թևիկներով հագնում են մարմնի 4-րդ շարքին, իսկ թևերի մոդուլները՝ մարմնի վերջին շարքին։

18. Ստվարաթղթից պատրաստեք կոտոշներն ու ականջները, իսկ բարակ թղթից՝ մազերը։ Թղթի վրա նկարեք մռութն ու աչքերը։ Դրանք ամրացրեք հորթուկի գլխին։ Կարելի է գլխարկ դնել հորթուկի գլխին, իսկ վզից զանգակ կախել։

Մեր հորթուկը պատրաստ է.