Մոդուլային օրիգամի «Ծիտիկ»

Ծիտիկի մոդուլային օրիգամի պատրաստելու համար անհրաժեշտ է ձեր նախընտրած 3-4 գույնի եռանկյուն մոդուլներ (օրինակ սպիտակ, կապույտ, նարնջագույն):

«Ծիտիկ» մոդուլային օրիգամիի պատրաստման հերթականությունը (սպիտակ և կապույտ մոդուլներով).
1. Առաջին և երկրորդ շարքերի համար անհրաժեշտ են 7-ական սպիտակ և 9-ական կապույտ մոդուլներ: Դրանք իրար միացնենք, ինչպես պատկերված է նկարում.

2. Առաջին և երկրորդ շարքերի մի քանի մոդուլ միացնելուց հետո սկսենք միաժամանակ հավաքել երրորդ շարքը: Երրորդ շարքում անհրաժեշտ է 6 սպիտակ և 10 կապույտ մոդուլ:

3. 3 շարքը հավաքելուց հետոշղթան փակենք՝ դարձնելով շրջան:

4. Պատրաստվածքը շուռ տանք այնպես, որ մոդուլների երկար կողմերը դեպի դուրս նայեն: Հավաքենք 4-րդ շարքը 7 սպիտակ և 9 կապույտ մոդուլներից:

5. Հինգերորդ շարքը հավաքվում է ինչպես երրորդը, իսկ վեցերորդը՝ ինչպես չորրորդը:
6. 6-րդ շարքը փոքր-ինչ սեղմենք: Յոթերորդ շարքի մոդուլները հագցնենք կարճ կողմերով դեպի դուրս: Այս շարքում կօգտագործենք 6 սպիտակ և 10 կապույտ մոդուլներ: Աշխատեք դրանք շատ խորը չհագցնել:

7. Մնացած շարքերի մոդուլները հագնում են երկար կողմերով դեպի դուրս: Ութերորդ և տասներորդ շարքերը իրականացվում են ինչպես չորրորդ շարքը, իսկ իններորդն ու տասնմեկերորդը՝ երրորդի նման: Տասներկուերորդ շարքում ամրացնենք 5 սպիտակ և 11 կապույտ մոդուլներ: Սպիտակ մոդուլների կենտրոնական մասում նարնջագույն մոդուլ հագցնենք, որը կլինի ծիտիկի կտուցը:

8. Տասներեքերորդ շարքը բաղկացած է 16 կապույտ մոդուլներից: Տասնչորսերորդ շարքում ևս 16 մոդուլ է (կարելի է հաջորդականությամբ դնել կապույտ և երկնագույն մոդուլներ): Տասնհինգերորդ շարքը բաղկացած է 8 կապույտ (կամ երկնագույն) մոդուլներից, որոնք հագցնում ենք մեկումեջ՝ բաց թողնելով 2 անկյուն: Վերջում պետք է մոդելները հնարավորինս իրար մոտեցնել:

9. Թևերը պատրաստենք 2-ական կապույտ մոդուլներից (կարելի է համադրել կապույտը երկնագույնի հետ): Տեղադրենք դրանք պատրաստվածքի կողային հատվածներում:

10. Շուռ տանք պատրաստվածքը՝ թաթերը պատրաստելու համար: Նարնջագույն մոդուլները անկյուններով հագցնենք ներքևի շարքի մոդուլների գրպանիկների մեջ և մոդուլների արանքում: 3 կապույտ մոդուլից պատրաստենք պոչը:

11. Մի կտոր թղթից պատրաստենք բարակ ծոպքերով երիզ ու դա տեղադրենք ծիտիկի կատարին: Ամրացնենք աչքերն ու թիթեռնիկ ժապավենը:

Ծիտիկը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։