Մկնիկ պլաստիլինից

Սովորենք պատրաստել մկնիկ պլաստիլինից.

1. Մարմինն ու գլուխը
ա. Պատրաստեք մեծ սպիտակ գունդ։

բ. Սպիտակ գնդից հաստ գլան պատրաստեք, ապա տանձի տեսք հաղորդեք։

2. Մռութը
ա. Մուգ վարդագույն պլաստիլինից պատրաստեք 3 փոքր գնդեր (ականջներն ու քիթը), իսկ սև պլաստիլինից՝ երկու շատ փոքր գունդ (աչքերը)։

բ. Երկու մուգ վարդագույն գնդերը սեղմեք, տափակեցրեք։ Կստանաք ականջները։ Մյուս մուգ-վարդագույն գնդից փոքրիկ հաստ գլան պատրաստեք (քիթ)։

գ. Քիթն ամրացրեք սպիտակ «տանձի» սուր ծայրին։ Մռութը վերջնական տեսքի բերելու համար ամրացրեք մկնիկի աչքերն ու ականջները։

3. Պոչն ու թաթերը
ա. Մուգ վարդագույն պլաստիլինից պատրաստեք ոլոռի մեծության 3 գունդ։

բ. Մուգ վարդագույն գնդերից մեկով պատրաստեք երկար կոնանման թել, իսկ մնացած 2 գնդերից պատրաստեք համեմատաբար հաստ գլաններ։

գ. Կոնաձև թելին ոլորված տեսք տվեք, կստանաք պոչը։

դ. Պոչն ամրացրեք սպիտակ «տանձի» հետևի մասին։ Մկնիկի թաթերն ամրացրեք մարմնին, ինչպես ցույց է տրված նկարում։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։