Մարդուկ-գրիչներ

Սովորենք, թե ինչպես հասարակ մետաղալարից ու գրչի միջուկից կարող ենք ստանալ գեղեցիկ գրիչներ.

Անհրաժեշտ է՝
գրչի միջուկ, մոտ 10սմ երկարությամբ, երկար գունավոր մետաղալար, փայտե գունդ, հուլունքներ։ Եթե փայտե գնդեր չկան, կարելի է դրանց փոխարեն օգտագործել պենոպլաստի կտորներ կամ գինու խցան։
1. Վերցրեք 2 կտոր երկար գունավոր մետաղալար, խաչաձև դրեք իրար վրա և սկսեք գործել, ինչպես ցույց է տրված նկարում։

2. Հյուսքի կենտրոնում տեղադրեք գրչի միջուկը և շարունակեք գործել այնքան, քանի դեռ այն լիովին չի ծածկվել։

3. Աղջիկների համար. փայտե գունդը դրեք այնպես, որ նրա միջանկյալ անցքը հորիզոնական դիրքով լինի։ Լարի ծայրերը անց կացրեք դրա միջով և ծայրերին հուլունքներ ամրացրեք՝ մետաղալարը մեկ կամ երկու անգամ հուլունքի շուրջը պտտել-ամրացնելով։ Փայտե գնդի վրա ամրացրեք աչքերը։
4. Տղաների համար. Փայտե գունդը դրեք այնպես, որպեսզի նրա միջանկյալ անցը ուղղահայաց դիրք ունենա։ Մետաղալարի 2 ծայրերին ամրացրեք հուլունքներ (դրանք կլինեն մարդուկի ձեռքերը)։ Իսկ մյուս երկու ծայրերն անց կացրեք գնդի վրայի միջանկյալ անցքի միջով, հուլունքով ամրացրեք։

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։