Պատրաստենք Ձնեմարդ պլաստիլինից.
Անհրաժեշտ են՝ սպիտակ, սև, կանաչ և նարնջագույն պլաստիլիններ, սև հուլունքներ աքերի համար, ատամմաքրիչ փայտիկներ, լուցկու հատիկ, դանակ։
Դույլը
1. Կապույտ պլաստիլինից միջին չափի և փոքրիկ գնդեր պատրաստեք։
2. Մեծ գնդից պատրաստեք հատած կոն, իսկ փոքր գնդից՝ երկար գլան։
3. Դանակի օգնությամբ կտրեք կոնի ծայրերը։ Կստանաք դույլ։ Դույլին ամրացրեք գլանը և կստանաք դույլի պոչը։
Գլուխը
1. Սպիտակ պլաստիլինից գունդ պատրաստեք, նարնջագույն պլաստիլինից՝ փոքրիկ գունդ։ Աչքերի համար անհրաժեշտ է 2 փոքրիկ սև հուլունք։
2. Աչքերն ամրացրեք սպիտակ գնդի վրա, իսկ նարնջագույն գնդից փոքրիկ կոն պատրաստեք (գազար)։
3. Աչքերի ներքևում ամրացրեք գազարը և դանակի օգնությամբ ժպտացող բերանի ակոս գծեք։
4. Դանակի օգնությամբ գլխի գագաթային հատվածը կտրեք։ Գլխի վերին հատվածում 3 ատամմաքրիչ փայտիկ մտցրեք և դրանց վրա հագցրեք դույլը։
Մարմինը
1. Փոքրիկ կանաչ գունդ պատրաստեք և 2 մեծ, բայց իրարից տարբերով չափերով սպիտակ գնդեր։
2. Կանաչ գնդից գլան պատրաստեք, իսկ սպիտակ գնդերը թեթևակի սեղմեք։
3. Կանաչ գլանը տափակեցրեք։ Ամենամեծ սպիտակ գնդի մեջ կիսով չափ խրեք 2 ատամմաքրիչ փայտիկ, իսկ միջին չափի գնդի վրա՝ մեկ ատամմաքրիչ փայտիկ։
4. Կանաչ օձիքի մի ծայրը դանակի օգնությամբ մանր երիզների բաժանեք։
5. Սպիտակ գնդերը դրեք իրար վրա։ Օձիքը փաթաթեք ձնեմարդու վզին։
6. Ձնեմարդու գլուխը հագցրեք միջին չափի սպիտակ գնդի վրա։ Միջին սպիտակ գնդի կողերի վրա լուցկու հատիկի օգնությամբ ոչ շատ խորը ակոսներ արեք։
Կոճակներն ու ճյուղ-ձեռքերը
1. Կոճակների համար 2 փոքրիկ սև գնդեր պատրստեք, իսկ թևերի համար՝ 4 շագանակագույն գնդեր, որոնցից երկուսը փոքր են մյուս երկուսից։
2. Շագանակգույն գնդերից երկար, սուր ծայրերով կոներ պատրաստեք։
3. Համեմատաբար կարճ ճյուղերը ամրացրեք երկար շագանակագույն դետալների վրա և կստանաք ճյուղ-ձեռքերը։
4. Ճյուղ ձեռքերն ամրացրեք լուցկու հատիկով արված ակոսների վրա։ Ամրացրեք կոճակները։
Ձնեմարդը պատրաստ է.
