Սովորենք պատրաստել շատ գեղեցիկ ձնեմարդ թղթից։
Անհրաժեշտ են. 3 հատ սպիտակ գրասենյակային և գունավոր թղթեր, սոսինձ, մկրատ, ստեպլեր։
1. Սպիտակ գրասենյակային թղթերից մեկը սկսում ենք ծալել շերտերով (гармошка)։
Գտնում ենք ծալված թղթի կենտրոնը և ամրացնում այն ստեպլերի օգնությամբ.
Երկու եզրային ծալքերը սոսնձում ենք իրար.
Մյուս սպիտակ թղթով ևս պատրաստում ենք նույն հովհարաձև դետալից.
Երկու դետալները սոսնձի օգնությամբ միացնում ենք իրար և ստանում առաջին մեծ շրջանը.
2. Սպիտակ գրասենյակային թղթերից վերջինը երկարությամբ բաժանում ենք երկու մասի.
Դրանցից մի կտորը ևս շերտերով ծալում ենք.
Գտնում ենք կենտրոնը և ստեպլերով ամրացնում.
Եզրային ծալքերը սոսնձում ենք իրար.
Իրար ենք սոսնձում նաև մյուս եզրային ծալքերը.
Ստանում ենք համեմատաբար փոքր շրջան։
3. Սոսնձի օգնությամբ մեծ և փոքր շրջանները կպցնում ենք իրար.
4. Ձնեմարդու թևերը պատրաստում ենք վերջին կտրված սպիտակ թղթի կտորից։ Այն ևս երկարությամբ բաժանում ենք երկու հավասար մասերի։
Այս երիզներից յուրաքանչյուրը ևս շերտերով ծալում ենք.
Կենտրոնական հատվածից ամրացնում ենք ստեպլերով, ապա սոսնձի օգնությամբ միացնում եզրերը.
Ստացված փոքրիկ շրջանները սոսնձում ենք ձնեմարդու մարմնին.
5. Ձնեմարդու քիթը պատրաստելու համար վերցնում ենք գազարագույն կլոր թուղթ.
Կտրում ենք նրա 1/4 մասը.
Կտրված եզրերն իրար վրա ենք բերում, գազարի տեսք տալիս և սոսնձում։ Պատրաստի գազարը սոսնձում ենք ձնեմարդու գլխին.
Գունավոր թղթերից կտրատում ենք սև աչքեր, կարմիր բերան և կոճակներ, սոսնձում իրենց տեղերում.
Գունավոր թղթերից կտրում ենք գլխարկը, վզի ժապավենը և սոսնձի օգնությամբ ամրացնում.
Ձնեմարդը պատրաստ է.
Մեկնաբանություններ 2