Պատրաստենք Ձմեռ Պապիկին սահնակով և եղջերուներով։
Անհրաժեշտ են՝ գունավոր թաղիքե կտորներ, լցոն (բամբակ կամ սինտեպոն), թել, ասեղ, մկրատ։
Ներբեռնեք շաբլոնը և տպեք A4 թղթի վրա։
Ըստ շաբլոնի, կտորներից կտրատեք համապատասխան մասերը։
Ձմեռ Պապիկը
Ձմեռ պապիկը նստած տեսք ունի։ Բարձրությունը մոտ 6սմ է։
1. Շաբլոնի օգնությամբ կտրատեք համապատասխան գույնի հատվածները.
2. Կարեք գլխի եզրային հատվածը՝ այն լցնելով բամբակով։
3. Կարեք մարմինը։
4. Ամրացրեք գլուխը մարմնին.
5. Կարեք գլխարկը և այն ամրացրեք գլխի վրա։ Աչքերը նկարեք ֆլոմաստերով։ Կարող եք ունքեր կարել։ Կարեք օձիքն ու գոտին։ Սոսնձեք մորուքն ու մնացած դետալները։
Եղջերուները
1. Շաբլոնի միջոցով շագանակագույն կտորից կտրատեք եղջերուի դետալները։
2. Կարեք մարմինը։ Ոտքի տակերը դեռևս կարել պետք չէ։
3. Եղջյուրների վրա սոսինձ քսիր, որպեսզի դրանք կոշտանան։ Գլխի գագաթը կարիր եղջյուրներին ու գլխին։
4. Լցոնիր եղջերուին, ապա սոսնձի օգնությամբ կամ կարելու միջոցով ամրացրու կճղակները։
5. Ֆլոմաստերի օգնությամբ նկարիր աչքերը և կարիր ականջները։
Պատրաստիր նմանատիպ երկու եղջերու.
Սահնակը
1. Շաբլոնի օգնությամբ կտրատիր համապատասխան մասերը և մի կտոր ևս՝ 3.5×21 սմ երկարությամբ.
2. Հատակի հատվածը ծալիր 2 հավասար մասի և դրանք իրար սոսնձիր։ Կորացրու այն, իսկ եթե դժվարանում ես, ապա հարդուկի օգնությամբ համապատասխան տեսքը տուր։ Կարելով ամրացրու սահնակի կողային հատվածները։
3. Դահուկի հատվածները ծալիր և սոսնձիր։ Հարդուկի օգնությամբ դրանց դահուկի տեսք հաղորդիր։ Քառակուսի կտորները փաթաթիր գլանաձև և սոսնձիր կամ կարիր։ Դրանք ամրացրու սահնակի հատակին տակի կողմից, իսկ դրանց ամրացրու դահուկները.
Պարկը
Կարիր պարկի 2 հատվածները և շուռ տուր այն։ Լցրու լցոնով ու կարի միջոցով փակիր պարկի բերանը։
Պատրաստվածքի դետալները դիր իրենց տեղերում, իսկ եղջերուներին սահնակին միացրու թելի օգնությամբ.
Լավն էր