Հուշանվեր «8» կիրիգամի տեխնոլոգիայով

Մարտի 8-ի կապակցությամբ հասարակ թղթից կարելի է ստանալ հիասքանչ կոմպոզիցիաներ։Այդպիսի մի կոմպոզիցիա կպատրաստենք այսօր՝ կիրառելով կիրիգամի տեխնոլոգիան։
Անհրաժեշտ են՝ տպիչ, ստվարաթուղթ (կամ գրասենյակային թուղթ), գրասենյակային դանակ, ստեպլեր, կոշտ և հարթ մակերես՝ դանակով աշխատելու համար (օրինակ ապակի)։
Ներբեռնեք և տպեք նկարը (այն կարելի է տպել A4 թղթի կեսի վրա (այդ դեպքում կստացվի փոքր 8) կամ ամբողջ երկայնքով։ Ընդ որում, եթե շաբլոնը տպվում է ստվարաթղթի վրա, պետք է տպել 2 օրինակից, իսկ եթե գրասենյակային թղթի վրա՝ մեկ օրինակը բավարար է։ (Անհրաժեշտ է 8-ի երկու օրինակ)

Եթե շաբլոնը տպվում է գրասենյակային թղթի վրա A4-ի կես չափով, ապա կարելի է թուղթը ծալել,կամ երկրորդ թուղթը դնել շաբլոնի տակ և  շաբլոնից դուրս մասերը ամրացնել ստեպլերով։

Գրասենյակային դանակով զգուշորեն սկսում ենք հեռացնել նախշերը։

Բոլոր մանր դետալները կտրելուց հետո կտրում ենք 8-ի հիմնական մասերը՝

Այժմ մնում է գոտու և գլխարկի միջոցով 8-երն իրար միացնել՝

Եթե «սլաքը» դրսի հատվածում է, ապա այն անհրաժեշտ է ամրացնել մի կաթիլ սոսնձով։ Բայց ցանկալի է, որ սլաքը լինի դեպի ներսի կողմը։ Այդ դեպքում հիմքը ավելի գեղեցիկ կլինի և սոսնձելու կարիք չի առաջանա։ «8»-ը պատրաստ է՝

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։