Հովհար մեկանգամյա օգտագործման պլաստմասսե պատառաքաղներից

Ամառվա տապի ամենաարդիական պատրաստվածքը՝ հովհար։
Այսօր կպատրաստենք գեղեցիկ հովհար մեկանգամյա օգտագործման պլաստմասսե պատառաքաղների օգնությամբ։ 

Հովհարը պատրաստելու համար անհրաժեշտ է՝ 21-22 հատ մեկանգամյա օգտագործման պլաստմասսե պատառաքաղներ, ստվարաթուղթ, տարբեր տեսակի ժանյակներ ու երիզներ, դեկորատիվ ծաղիկներ, հուլունքներ, սիլիկոնե սոսնձի ատրճանակ, մկրատ։

1. Ստվարաթղթից կտրում ենք շրջան, ապա դա բաժանում 2 հավասար մասերի.

2. Մի կիսաշրջանի վրա սիլիկոնե սոսնձի օգնությամբ կպցնում ենք պատառաքաղները.

3. Պատառաքաղներև ամրացնելուց հետո սիլիկոնի օգնությամբ մյուս ստվարաթղթե կիսաշրջանն ամրացնում ենք պատրաստվածքի վրա և ստանում հովհարի հիմքը.

4. Սկսում ենք հովհարի զարդարման փուլը։ Ժանյակը փոխեփոխ անցկացնելով պատառաքաղի միջին 2 ատամների միջով, հասցնում ենք մինչև վերջ։ Ժանյակի ծայրերը մոտ 1սմ երկարությամբ, սիլիկոնե սոսնձով ամրացնում ենք հակառակ կողմին.

5. Շարունակում ենք զարդարել ժապավեններով, հուլունքներով ու դեկորատիվ ծաղիկներով, ինչպես կցանկանանք.

Գեղեցիկ հովհարը պատրաստ է.

Սիրելի այցելու, եթե դու այլևս ՓՈՔՐԻԿ չես, այլ ՊԱՏԱՆԻ, եթե արդեն քո հետաքրքրությունների շրջանակն ընդլայնվել է և դու ուզում ես տարիքիդ համապատասխան հետաքրքիր հոդվածներ կարդալ, ապա «Պատանի եմ» կայքը հենց այն հարթակն է, որը կհագեցնի քո հետաքրքրասիրությունները։ Այստեղ դու կարող ես նաև ինքդ լինել հեղինակ, ունենալ ու վարել քո բլոգային էջը։ Միացի՛ր պատանիների թիմին։ Դարձի՛ր «Պատանի եմ» կայքի մի մասնիկը։